குறியதன் கீழ்வரும் ஆகார ஈற்றுச்சொல்

251. குறியதன் கீழாக் குறுகலு மதனோ
     டுகர மேற்றலு மியல்புமாந் தூக்கின்1.

(இ-ள்.) குற்றெழுத்துக்கு முன்னின்ற ஆ, அ ஆதலும் அவ்வகரத்தோடு உகரம்
பெறுதலு மியல்பாதலுஞ் செய்யுட்கணாம்.

(வ-று.) நிலா, நில, நிலவு எனவரும். (92)

நிலா என்னும் பெயர்

252. நிலாப்பெய ரின்னொடு நிலவுதல் வரையார்.

(இ-ள்.) நிலாவென்னும்பெயர் இன்சாரியை பெறுமென்க.

(வ-று.) நிலாவின் காந்தி எனவரும். (93)

இரா வென்னும் பெயர்

253. இராப்பெய ருக்கில வாமென மொழிப.

(இ-ள்.) இராவென்னும் பெயர்ச்சொல் இன்சாரியை பெறாவா மென்க.

(வ-று.) இராக்கொண்டான். (94)

மரப் பெயர்கள்

254. யாவும் பிடாவுந் தளாவு மெலிமிகும்.

(இ-ள்.) மரப்பெயராகிய யாவும், பிடாவும், தளாவும் மெல்லெழுத்து
மிக்குமுடியுமென வறிக.

(வ-று.) யா அங்கோடு, பிடா அங்கோடு, தளா அங்கோடு.

(வி-ரை.)

‘‘யாமரக் கிளவியும் பிடாவும் தளாவும்
ஆமுப் பெயரும் மெல்லெழுத்து மிகுமே’’ (உயிர்ம. 27)

என்பது தொல்காப்பியம். (95)

1. நன் - எழுத் - உயிரீற் - 22.