ஊன் என்னும் பெயர்

279. ஊனக ரத்தொடு மொழுகு மென்ப.

(இ-ள்.) ஊவென்னு மிறைச்சிப் பெயர்க்கிளவி, னகரச் சாரியையோடு நடக்கும்.

(வ-று.) ஊ + குறை = ஊன்குறை. (120)

எய்தியதன்மேற் சிறப்பு விதி

280. அக்கொடு வருதலு மதனியல் பாகும்.

(இ-ள்.) அவ்வூவென்னும் பெயர்க்கிளவி அக்குச்சாரியை பெறுதலு மதனியல்பாகும்.

(வ-று.) ஊனக்குறை. (121)

ஆடூஉ, மகடூஉ என்னும் பெயர்கள்

281. ஆடூஉ மகடூஉ வின்னொடு நிலையும்.

(இ-ள்.) ஆடூஉவென்னு மாண்பாற் படர்க்கைப்பெயரும், மகடூஉவென்னும் பெண்பாற்
படர்க்கைப்பெயரும், இன்சாரியை பெறும்.

(வ-று.) ஆடூஉவின்கை, மகடூஉவின்கை. (122)

7. ஏகார ஈறு

தேற்றேகாரம்

282. ஏகாரத் தேற்ற மியல்பா கும்மே.

(இ-ள்.) தேற்றவேகாரத்துக்கு முன்வருகிற வல்லினமியல்பா மெனவறிக.

(வ-று.) அவனே கொண்டான். (123)

ஏ யென்னும் ஆயுதப் பெயர்

283. எகரச் சாரியை யேயேற் கும்மே.

(இ-ள்.) ஏயென்னும் ஆயுதப்பெயர்க்கிளவி எகரச்சாரியை பெறுமென்க.

(வ-று.) ஏஎக் கொட்டில். (124)