2. புள்ளியீறு

1. ஞகர ஈறு

ஞகர ஈற்றுத் தொழிற்பெயர்

297. ஞகர னிறுதித் தொழிற்பெய ருகரம்
     பெறுதலு மிகுதலும் பெற்றித் தாகும்.

(இ-ள்.) ஞகரமெய் யிறுதியாகிய தொழிற் பெயர்க்கு முன் க, ச, த, ப க்கள்வரின்
அல்வழி வேற்றுமையினும் உகரச் சாரியை பெறுதலும் மிகுதலும் தனக் குரித்தாமென்க.

(வ-று.) உரிஞ் + கடிது = உரிஞுக்கடிது. (138)

மேலதற்கொரு சிறப்புவிதி

298. ஞ, ந, ம, வ வரினும் உகரமொடு நிலையும்.

(இ-ள்.) ஞ, ந, ம, வ க்கள் வரினும், உகரச்சாரியை பெறுமென்க.

(வ-று.) உரிஞுஞான்றது, நீண்டது, மாண்டது, வலிது. (139)

2. நகர ஈறு

299. உகரச் சாரியை யொடுவரு நகாரம்.

(இ-ள்.) நகரமெய் யிறுதியாகிய மொழி, உகரச்சாரியை பெறுமென வறிக.

(வ-று.) பொருநுக்கடிது. (140)

இதுவுமது

300. வேற்றுமைக் கண்ணக ரத்தொடு சிவணும்.

(இ-ள்.) வேற்றுமையாயின் அகரச்சாரியை பெறும்.

(வ-று.) பொருநக்கடுமை எனவரும். (141)

வெரிந் என்னும் சொல்

301. வெரிந் ஈறழிந்துமெல் லினமிகு மென்ப.