(இ-ள்) வெரிந் என்னுஞ் சொல்லிறுதி கெட்டு மெல்லெழுத்து மிக்குமுடியும்.

(வ-று.) வெரிங்குறை.

(வி-ரை.) வெரிந் - முதுகு. (142)

சிறப்பு விதி

302. வல்லின மிகுதலு மற்றத னியல்பே.

(இ-ள்.) முற்கூறிய வெரிந் என்னுஞ்சொல் வல்லெழுத்து மிக்கு முடிதலுமாம்.

(வ-று.) வெரிக்குறை. (143)

3. ணகர ஈறு

ணகரம் டகர மாதல்

303. ணகரமெய் டகரவொற் றாகத் திரியும்.

(இ-ள்.) க, ச, த, ப க்கள் வரின், ணகரமெய் டகரமெய்யாகத் திரியுமென்க.

(வ-று.) மண் + குடம் = மட்குடம். (144)

பொதுப் பெயர்

304. ஆணும் பெண்ணு மிகாதியல் பாகும்.

(இ-ள்.) ஆணும்பெண்ணுமாகிய பொதுப்பெயரியல்பாம்.

(வ-று.) ஆண்கை, பெண்கை எனவரும். (145)

முரண் என்னும் சொல்

305. இயல்பா தலுந்திரி தலுமுர ணியல்பே.

(இ-ள்.) முரணென்னுஞ்சொல் இயல்பாதலுந் திரிதலும் இயல்பாகுமென்க.

(வ-று.) முரண்கடுமை, முரட்கடுமை. (146)

ஆணென் மரப்பெயர்

306. ஆண்மர மாயி னம்மொடு சிவணும்.