145. தீயின் அன்ன ஒள் செ காந்தள்- நெருப்பினையொத்த ஒள்ளிய செங்காந்தளினது,

இதற்கு நன்னனென்னும்பெயர் தீயோடடுத்ததன்மையின் , ¹ ஆனந்தமாய், பாடினாரும் பாட்டுண்டாரும்இறந்தாரென்று ஆளவந்தபிள்ளையாசிரியர் குற்றங்கூறினாராலெனின்,அவர் அறியாதுகூறினார் ; செய்யுள் செய்த கௌசிகனார் ஆனந்தக்குற்றமென்னுங் குற்றமறியாமற் செய்யுள் செய்தாரேல்,இவர் நல்லிசைப்புலவராகார் ; இவர்செய்த செய்யுளைநல்லிசைப்புலவர்செய்த ஏனைச்செய்யுட்களுடன் சங்கத்தார்கோவாமல் நீக்குவர்; அங்ஙனம் நீக்காது கோத்தற்குக்காரணம் ஆனந்தக்குற்ற மென்பதொரு குற்றம் இச்செய்யுட்குஉறாமையானென்றுணர்க.

இச்சொன்னிலை நோக்குமிடத்துஒருகுற்றமுமின்று ; என்னை ? அன்னவென்னும் அகரவீற்றுப்பெயரெச்ச உவமவுருபு தீயென்னும் பெயரைச் சேர்ந்துநின்றுஇன்சாரியை இடையே அடுத்துநிற்றலின். நன்னனெனநகரமுதலும் னகரவொற்றீறுமாய் நிற்குஞ் சொல்லாயினன்றே அக்குற்றம் உளதாவதெனமறுக்க. நன்னவென அண்மைவிளியாய்நின்றமுன்னிலைப் பெயரென்று குற்றங்கூறுவார்க்கு இப்பாட்டுப்படர்க்கையேயாய் நிற்றலிற் குற்றமின்றென்க.

நூற்குற்றங்கூறுகின்ற ² பத்துவகைக்குற்றத்தே,³ " தன்னா னொரு பொருள் கருதிக் கூறல்" என்னுங்குற்றத்தைப் பின்னுள்ளோர் ஆனந்தக்குற்றமென்பதொருகுற்றமென்று நூல்செய்ததன்றி ⁴ அகத்திய