ஐம்புலன்களாலும் இன்பம்நுகர்தற்கு இடனாயிற்றென்றவாறு.

64-5. ஒளிதிகழாநின்ற கட்டுதல்வகைமை செறிந்த மூட்டுவாய் புனைந்த தொழிலையுடையஅரிமாலையென்க.

வினைத்தொகை அடுக்கு.

பரந்து (66) தெவி (69) என்னும்செய்தெனெச்சங்கள் கவர்புற (68) என்னும்வினைமுதல்வினைகொள்ள அச்செயவெனெச்சம்வழக்கிற்று (71) என்னும் பிறவினைகொண்டது.

71. ஆங்கு அதையென்பன அசை.

இத்துணையும் வையையைப்படர்க்கையாக்கிக் கூறி மேல் எதிர்முகமாக்கி.

72 - 3. வையாய்! இவ்வாறுகார்காலத்துக்கலங்கி வேனிற்காலத்துத்தெளிதலான் இந்நீர்மை எஞ்ஞான்றும்ஒத்திருக்கின்றதில்லை.

எனப் பழிப்பாள்போலப்புகழ்ந்து மேல் தைந்நீராடல் கூறுகின்றாள்:-

74-7. கார்வானம் அதிர்குரல்நீங்கப் பனிமிகுதலாற் குளிரால் நடுங்குதலையுடையமுன்பனிப்பருவத்து ஞாயிறுதெறாத கடைமாரியையுடையமார்கழிமாதத்துத் திங்கள் மறுவொடுநிறைந்ததிருவாதிரை நாளின்கண்.
_________________________

(பி - ம்.)64-5. ''பொறிபுனை'' 67''நனிபுணர்மார்''