நிலந்தோன்றாத ஆதிகாலத்தே வெள்ளத்தின் நடுவில் பிரமனோடு உந்திக்கண் தோன்றிய தாமரையையுடையவனாகிய நினது சக்கரமே உலகிற்கு நிழலாவது. அருள்புரிவாயாக.

(பரி - ரை)1.மாயோனென்பது, கரியோனென்னும் பொருள் குறியாதுபெயர் மாத்திரையாய் நின்றது; அது விளியேற்று''மாயோய்'' என்றாயிற்று.

2. அடிகளைப் பணியவேபணிந்தாரது மறுபிறப்பறுதலின், ''மறுபிறப் பறுக்குமாசில் சேவடி'' என்றார்.

3. மணிதிகழுருபு -நீலமணி (பி - ம்.நீலநிறம்) போலவிளங்காநின்ற நிறம்.

அச்சேவடி பெறுதற்குமுகம்புகுகின்றாராதலிற் பலகாலும் எதிர் முகமாக்கினார;்ஆக்கி வாழ்த்துகின்றவர் அவன்கட்டோன்றிய பொருள்கள்கூறுவான் தொடங்கி முதற்கண் ஈசற்கு வடிவாகிய அட்டமூர்த்தங்கள்கூறுகின்றார்:

4-5. அவை: தீ,வளி, விசும்பு. நிலம், நீரென்னும் பூதங்கள் ஐந்தும்ஞாயிறும் திங்களும் வேள்வி முதல்வனுமென இவை.

5. வேட்கின்றவடிவு தருமமாதலின் அஃது அறனெனப்பட்டது.

உலக நடைக்குஏதுவாகிய கோட்கள் எழுவருள் ஞாயிறும் திங்களும் மேற்சொல்லியஅட்டமூர்த்தங்களுள் அடங்கினமையின், ஏனையோரைப்பெயர்கூறாது ''ஐவரும்'' என்றார்; பாம்புகள் காணப்படுவனஅன்மையிற் கூறாராயினர்.

6. திதியின்சிறார் - அசுரர். விதியின் மக்கள் - ஆதிப்பிரமற்குநினைவால்தோன்றிய பிரமர் பதின்மருட் காசிபன்மக்களாகியஆதித்தர் பன்னிருவரும்.

7. எண்மர் - வசுக்கள்.உருத்திரரைக்கபிலரென்றார், அவர் செய்யராதலின்.

8. தேவர்மருத்துவரைத்தாவும் மாவின்கண்தோன்றிய இருவரென்றார்;

(பி - ம்.)3''ழுருவின்'' 4 ''நிலநீர்''