வெகுண்டும் என்னினும்- மிகவும் (வெறுத்துக்) கோபிக்கிறோம் ஆனாலும்;
ஐயன் முனியும் ஆதலால் -இராமபிரான் வெறுப்பான் என்ற காரணத்தால்;
என்று - என்று கருதி; நாம் போதும்- நாம் அவளை விட்டுப் போவோம்;
என்று அரிதின் கொண்டு - என்று சொல்லிச்சிரமப்பட்டு (அவனைத்
தடுத்து) அழைத்துக்கொண்டு;  போயினான் - சென்றான்.

     வெகுண்டும் - கோபித்தோம்;  தன்மைப் பன்மை வினைமுற்று. வேதம்
வல்ல நீ ஓர்அடிச்சியின் பொருட்டுச் சினம் கோடல் தகுதி அன்று என்று
குறிப்பித்தானாம்;  என்றது  பரதன்தாயைச் சீறாது விட்டதற்கு மேற்குறித்த
காரணத்தைச் சுட்டியது  எனலும் ஆம்.                           56

பரதன் இராமன் தங்கிய சோலையில் தங்குதல்  

     மொய் பெருஞ் சேனையும் - நெருங்கிய பெரிய சேனையும்;  மூரி
ஞாலமும் - பெருமை பொருந்திய அயோத்தி மக்களும்;  கைகலந்து -
ஒன்று திரண்டு; அயல் ஒருகடலின் சுற்றிட - பரதனின் பக்கல் ஒரு கடல்
போலச் சுற்றியிருப்ப;  ஐயனும் தேவியும்இளைய ஆளியும் வைகிய
சோலையில் - இராமனும்,  சீதையும்,  இளைய யாளிபோல்வானாகிய
இலக்குவனும் தங்கியிருந்த அந்தச் சோலையிலேயே;  தானும் - (பரதன்)
தானும்;  வைகினான் - (அன்று) தங்கினான்.

     பரதன் இராமன் முதலில் தங்கியிருந்த சோலையில் தங்கினன் -
அன்பு கலந்துறவு கொண்டநெஞ்சம் உடையவர்களுக்குப் பயின்ற
பொருள்களைக் கண்ட வழி பயின்றாரையே கண்டாற் போலும்ஆதலின்
இராமன் தங்கிய சோலை  பரதனுக்குத் துயராற்றும் மருந்தாயிற்று. ஆளி -
உவமையாகுபெயர்.                                             57

இராமன் தங்கிய புல்லனை அருகில் மண்ணில் பரதன் இருத்தல்  

     (பரதன்) அல்- இரவில்; நெடுங்கண் அனை நீர் அருவி ஆடினன்-
(தன்)நீண்ட கண்களிலிருந்து  வருகின்ற நீராகிய அருவியில் மூழ்கி; கல்
அணை கிழங்கொடு கனியும்உண்டிலன் - மலையில் விளையும்
கிழங்குகளோடு பழங்களையும் புசியாது;  வில் அணைத்து