பொருட்டுப்  போர் புரிந்து  வருந்தியவர்க்கும்; தம் அன்பின்
வந்தவர்க்கு  -  அவ்வீரர்  தம்  மேல் வைத்த அன்பினால் 
வந்தவர்க்கும்; அருந்துதற்கு அமைவு ஆயின- உண்பதற்குப்
பொருந்தியவற்றை;    ஆக்குவான்   விருந்து   அமைக்க
- அமைத்திட்டு விருந்து செய்ய; மிகுகின்ற வேட்கையான -
மிகுந்த விருப்பம் உடையவனாய். 
 

வானநாட்டை- விண்ணவரை;வருக என- வாருங்கள் என்று
ஆணையிட்டவுடன்; வல்விரைந்து ஏனை நாட்டவரோடும் -
மிக விரைந்த மற்றையதானவர் நாட்டோடும்; வந்து எய்தினார்-
வந்து சேர்ந்தனர்; 'மான நாட்டு அந்த  போகம் அமைத்திர்
- உயர்ந்த   விண்ணவர்  நாட்டு அரிய உணவைப் படைப்பீராக;
மற்று ஊனம் நாட்டின் -  மாறாகக் குறைகள் செய்தால்; உயிர்
இழத்திர் என்றான் - உம் உயிரை இழப்பீர் என்றான். 
 

(2)
 

நவை அற  நல்லன நறவும் ஊனும் -   குற்றமில்லாமல்
நல்லனவாகிய கள்ளும் ஊனும்; பிறவும் ஆடையும் சாந்தமும்-
பிற   உணவுப்   பொருள்களும் ஆடைகளும் பூசும் சந்தனமும்;
பெய்ம்மலர்த் திறமும் - அணிதற்குரிய மலர்வகையும்; நானப்
புனலொடு    -  கத்தூரி  போன்ற    மணப்பொருள்   கலந்த
குளித்தற்குரிய நறு மண நீரொடு; சேக்கையும்  - படுத்தற்குரிய
படுக்கைகளும்    ஆகியவைகள்;    புறமும்    உள்ளும்  - 
அரண்மனைக்கு உள்ளேயும் வெளியேயும்; நிறையப் புகுந்தன
- நிறைய வந்து சேர்ந்தன. 
 

(3)