:: TVU ::

யுத்த காண்டம்

அழித்து முடிப்பதே அல்லால்; அத்தொழில் கட்டம்; இனிச் செயும் கடமை செருத்தொழில்- சமாதானத் தொழில் வருத்தம் தருவதாகும், இனிச் செய்யத்தக்க கடமை போர்த் தொழிலை மேற்கொள்வதே.
(51)
முட்டி - தாக்கி குலத்தொடு முடிக்குவது - முற்ற முடித்தல், கட்டம் - வருத்தம்.
9298.	என்று, எழுந்தனர் இராக்கதர், 'இருக்க நீ; யாமே
	சென்று, மற்றவர் சில் உடல் குருதி, நீர் தேக்கி,
	வென்று மீளுதும்; வெள்குதுமேல், மிடல் இல்லாப்
	புன் தொழில் குலம் ஆதும்' என்று உரைத்தனர்,
	போனார்.

என்று, எழுந்தனர் இராக்கதர் நீ இருக்க யாமே சென்று- என்று சொல்லிப் படைத் தலைவராகிய இராக்கதர்கள் எழுந்தவர்களாய் (இராவணனை நோக்கி) நீ இங்கு இருப்பாயாக யாங்களே சென்று; மற்றவர் சில் உடல் குருதி நீர் தேக்கி வென்று மீளுதும் - அப்பகைவரின் சிறிய உடலில் உள்ள இரத்தத்தைக் குடித்து வென்று மீளுவோம்; வெள்குதுமேல், மிடல் இல்லாப் புன்தொழில் குலம் ஆதும்'- அவர்களுக்கு நாணிப் பின்வாங்குவோமாயின் வலிமை இல்லாத சிறுதொழில் செய்யும் குலத்தவர் ஆவோம்' என்று உரைத்தனர் போனார்- என்று கூறியவர்களாய்ப் போயினர்.
சில் உடல் - சிறிய உடல் - அரக்கரை நோக்கச் சிற்றுடல் பெற்றவர் மனிதர். வெள்குதல் இங்கு நாணிப் பின்வாங்குதலைக் குறித்தது. மிடல் - வலிமை. புன்தொழில் - வலிமையற்ற சிறு தொழில்.
(52)