தமிழ் மொழி வரலாறு

68

5.தொல்காப்பியத் தமிழ் - ஒலியனியல்

1 தொல்காப்பியத்தின் காலம்

தமிழில் இன்று கிடைக்கும் நூல்களில் தொன்மையானது தொல்காப்பியமே. பிற்காலத்தைச் சேர்ந்ததாகக் கூறப்படும் சில கருத்துக்கள், விதிகள், சொற்கள் என்பன தொல்காப்பியத்தில் காணப்படுவதால், அவற்றை அடிப்படையாகக் கொண்டு அதன் காலத்தைக் கி. பி. ஐந்தாம் நூற்றாண்டு வரைக்கும் பின் தள்ளுவர்.¹ ஆனால் தொல்காப்பியத்தையும் சங்க இலக்கியத்தையும் பண்டைக்காலத்து உரையாசிரியர்களைப் போல, ஆழ்ந்து ஆராய்ந்தவர்கள் தொல்காப்பியத்தைச் சங்க இலக்கியங்களுக்கெல்லாம் முற்பட்டது என்பர்.² சில தொல்காப்பிய விதிகள் சங்க காலத்தில் வழக்காறற்றுப் போயின என்பதற்குச் சான்றாகப் பின்வருவனவற்றைச் சுட்டிக்காட்டலாம்.

1. ‘வா’, ‘தா’ முதலிய வினையடிகளின் ஆட்சி தன்மை, முன்னிலை ஆகிய இரு
இடங்களுக்கே உரியது,³ எனல்.
2. ‘செல்’, ‘கொடு’ முதலிய வினையடிகளின் ஆட்சி படர்க்கைக்கே உரியது,⁴
எனல்.