| 148 | திருத்தொண்டர்புராணம் மூலமும் உரையும் |
Periya Puranam
| |
எவ்வுலகி
லெப்பெற்ற மிப்பெற்றித் தாமிடரால்
வெவ்வுயிர்த்துக் கதறிமணி யெறித்துவிழுந் துது?
விளம்பீர்“
|
40 |
| 126.
|
“போற்றிசைத்துப்
புரந்தரன்மா லயன்முதலோர்
புகழ்ந்திறைஞ்ச |
|
| |
வீற்றிருந்த
பெருமானார் மேவியுறை திருவாரூர்த்
தோற்றமுடை யுயிர்கொன்றா னாதலினாற்
றுணிபொருடா
னாற்றவுமற் றவற்கொல்லு மதுவேயா
மெனநினைமின்“ |
41 |
| 127.
|
எனமொழிந்து
“மற்றிதனுக் கினியிதுவே
செயலிவ்வான் |
|
| |
மனமழியுந்
துயரகற்ற மாட்டாதேன் வருந்துமிது
தனதுறுபேரிடர்யானுந் தாங்குவதே கரும“ மென
அனகனரும் பொருடுணிந்தா; னமைச்சருமஞ்
சினரகன்றார். |
42 |
அரசன் அமைச்சரை நோக்கிச்
செயீர்த்துரைத்துத் தனது தீர்மானத்தைக்
கூறுதல்
125. (இ-ள்.)
அவ்வுரையில்...உரைக்கின்றீர் - அமைச்சர்களே! நீங்கள்
சொல்லிய அவ்வுரைகளின்படி வரும் விதிகள் ஒருபுறம் நிற்க; தரும வழியின்
சிறந்த உண்மைத் தன்மையை மனத்துட் கொள்ளாது நீங்கள் இவ்வாறு
மொழிகின்றீர்கள் (அவ்வுண்மைத் தன்மைதான் யாது? என்பீரேல்);
எவ்வுலகில் ... விளம்பீர் - எந்த உலகத்தில் எந்தப் பசு இத்தகைய
துன்பத்தாலே பெருமூச்செறிந்து கதறி வந்து அரசவாயிலின் ஆராய்ச்சி
மணியை அசைத்து வீழ்ந்து பதறிற்று? இதனை ஆய்ந்து சொல்லுங்கள்; 40
126. (இ-ள்.)
போற்றிசைத்து ... திருவாரூர் - முன்னே இந்திரன்,
பிரமன், விட்டுணு முதலிய தேவர்கள் வணங்கும்படி எழுந்தருளியிருந்த
வீதிவிடங்கப்பெருமான், விரும்பி எழுந்தருளியிருக்கும் தலமாகிய
திருவாரூரிலே; தோற்றமுடை...நினைமின் - பிறந்த உயிரைக் கொன்றவன்
இம்மைந்தன் ஆதலின் அவனைக் கொல்வதே துணியப்படுபொருள் என்று
நினைமின்; 41
127. (இ-ள்.)
என மொழிந்து - என்று மேலே சொல்லியவாறு சொல்லிப்
பின்னர்; மற்றிதனுக்கு...கருமமென - “இனி இதற்குச் செய்யக் கடவதாகிய
செயலாவது இதுவேயாம்; இந்தப் பசு மனம் அழிகின்ற துன்பத்தை நீக்க
மாட்டாதவனாயினேன். ஆதலின், இது அடைந்த பெருந் துன்பத்தை நானும்
தாங்குவதே செய்பொருளாம்“ என்று சொல்லி; அனகன்...அகன்றார் - அரசன்
செய்தற்கரிய செயலைத் துணிந்து கொண்டான். அதுகண்டு அமைச்சரும்
அஞ்சினராகி ஒதுங்கினர். 42
125. (வி-ரை.)
அவ் உரையீல் வருநெறிகள் - முன்னே “மறை
அந்தணர்கள் விதித்த முறை“ என்றும், “மறை மொழிந்த அறம்“ என்றும்,
மந்திரிகள் குறித்துச் சொல்லிய உரைகளை. அவை நிற்க
- அசை ஒருபுறம்
ஒதுங்கி நிற்க. இது இகழ்ச்சி குறித்தது. அவை கிடக்கட்டும்
- என்று
ஒதுக்கியவாறு. என்னிடம் செல்லாது உங்களுடனே நிற்கட்டும் - என்பதும்
குறிப்பு.
செவ்விய உண்மைத் திறம்
- வெளித் தோற்றத்தாலல்லாமல்
உள்ளது உள்ளபடி நிற்கின்ற தன்மை. நிற்க என் றொதுக்கியதற்குக் காரணம்
இங்குக் கூறினார்; வெளிக்காட்சி ஒன்று, உண்மை மற்றொன்றாகலின். முன்னர்
“உண்மைப் பான்மை“ (107) “மெய்வண்ணம்“ (124) என்றனவும்
இது; தக்கன்
யாகமும், சண்டீசர் சிவபூசையும் போலக் கண்டுகொள்க.
|
|
|
|