வெண் குழையோன் - சிவபெருமான் - நெடியோன் - விட்டுணு -
முழை - மலையிற் பொந்து - பெருந் துவாரம்.

     துதிக்கையோன் ஊர்தி - பெருச்சாளி. இது உருவத்தால் பன்றிபோல்
தோற்றப்பட்டு விட்டுணுவினது ஆதிப் பன்றி நிலையைக் கருடனுக்கு
நினைப்பூட்டிற்று. பெருச்சாளியும் மலையின் ஒளியால் வெள்ளையாய்த்
தோன்றியபடியால் இது மாலாகிய வெள்ளைப்பன்றியோ என்று கருடன்
எண்ணியது.

     கருடன் தனது தலைவனாகிய திருமாலைக்காணாது தேடிற்று;
திருமலையடியில் ஒரு வெள்ளிய பெருச்சாளியைக் கண்டு அது
வெள்ளைப்பன்றியோ என்று நினைத்தது; முன்னோர்கால் செங்சுடராகிய
அண்ணாமலையைப் போலவே இது ஒரு வெண்சுடர் மலை என்று நினைத்துத்
தனது முன் வடிவில் வெள்ளைப் பன்றியாக மண்ணைத் தோண்டி
அடிதேடுகின்றானோ தன் தலைவன்? என நினைத்து அதனைச் சார்ந்தது;
என்பது இப்பாட்டின் கருத்தாம்.¹      8

19.	அரம்பைய ராடல் முழவுடன் மருங்கி      லருவிக ளெதிரெதிர் முழங்க
	வரம்பெறு காதன் மனத்துடன் தெய்வ      மதுமலரிருகையு மேந்தி நிரந்தர மிடைந்த விமான சோபான      நீடுயர் வழியினா லேறிப் புரந்தரன் முதலாங் கடவுளர் போற்றப்      பொலிவதத் திருமலைப் புறம்பு.	9

     (இ-ள்.) அரம்பையர் ... முழங்க - அரம்பை முதலிய தெய்வப்
பெண்கள் ஆடலுக்கேற்ப முழக்கும் முழவுகளோடு, பக்கத்தே ஓடும்
மலையருவிகள் எதிர் எதிர் இசைப்பனபோலச் சத்திக்க; வரம்பெறும் ... ஏந்தி
- இறைவனிடத்தே தாங்கள் குறித்த வரங்களைப்பெறவேண்டும் என்னும்
ஆசையுடைய மனத்தோடு தேன்நிறைந்த கற்பகப் புதுப்பூக்களை இரண்டு
கையிலும் ஏந்திக்கொண்டு; நிரந்தரம் ... ஏறி - நெருங்கிய விமானங்களுடன்
கூடிய படிவழியேறி வந்து; புரந்தரன் ... புறம்பு - இந்திரன் முதலிய
தேவர்கள் துதிக்க விளங்குவது அத்திருமலையின் வெளிச் சாரல்.

     (வி-ரை.) ஆடல் முழவு - ஆடலுக்கிசைய முழக்கப்படும் முழவு.
“வலம் வந்த மடவார்கள் நடமாட முழவதிர” (திருஞானசம்பந்தசுவாமிகள்
தேவாரம் - திருவையாறு)

     வரம்பெறு காதல் மனம் - போகபதங்களின் நாயகர்களாதலின் தங்கள்
தங்கள் பதவிகளுக்கு உரிய இன்பங்களைத் தரப்பெறவும் அவற்றிற்கு வரும்
துன்பங்களைப் போக்கவும் வேண்டும் வரம்பெறும் மனம்.

     தெய்வ மதுமலர் - கற்பக முதலிய தேவ வுலகத்து மலர்கள். மதுமலர்
- தேன்நிறைந்த புதுப் பூ.

     1. இவ்வாறு வரும் வெள்ளிப் பாடல்கள் பல மேலும் பல இடங்களிற்
காணலாம். அவற்றைப்பற்றிச் “சேக்கிழார்”என்ற லில்“இடைச்செருகல்கள்”
(201 - 224) என்ற தலைப்பில் விரித்தெழுதியுள்ளேன்; ஆண்டுக் காண்க.