பிறநாட்டவரும், "பீலிபெய் சாகாடு" என்று திருக்குறளாசிரியர் உவமான
முகத்தாற் கூறியது உண்மை முகத்தாலும் பொருந்தும் எனக் கொள்ளுமாறு
பெரிய அளவுக்கு, மயிற்பீலியை நமது நாட்டினின்றும் ஏற்றுமதி செய்து
வந்தார்கள் என்று சரிதங்களா லறிக்கின்றோம்.

     குழை - சந்தன முதலிய உயர்ந்தசாதி மரங்களின் இளந்தளிர்கள்.

     முச்சி - உச்சியில் முடித்த கூந்தல். இது கூந்தல் முடிக்கும் ஐம்பாலில்
ஒன்று.

     சூர் - அச்சம். அரிப்பிணவு - பெண் சிங்கம். பிணா என்றது பிணவு
என நின்றது. நிலா நிலவு என வருவதுபோல. 9

     659. (இ-ள்.) வெளிப்படை. ஒப்பற்ற சிறப்பினால் மிக்கார்களாகிய
இவர்க்கு இனிப் புதல்வர்பே றென்பதே கிடைத்தற்கரியதாம் என்று
எல்லாருங் கூற, அப்பேற்றிலே பட்ட ஆசை மிகுதியாலே வாசமிக்கலர்ந்த
மாலையணிந்த செவ்வேலேந்திய முருகவேளினது திருமுன்றிலிற் சென்று
பரவி நாடோறும் பரவுக்கடன் பூண்ட நெறியிலே நிற்பார்களாகி, 10

     660. (இ-ள்.) வெளிப்படை. அந்நெறியிலே சேவற் கோழிகளையும்
வரிகளையுடைய மயில்களையும் காணிக்கையாக விட்டும், தோரணமாக
மணிகளைத் தொங்க வைத்தும், வண்டுகள் மொய்க்கும் அழகிய கடப்ப
மாலைகளைத் தொங்கவிட்டும், போரில் வல்ல அழகிய நீண்ட வேலேந்திய
முருகப் பெருமானுக்குப் புகழ் புரியும் குரவைக் கூத்தாடப் பெரிய
அணங்காடல் செய்வித்தும் பெருவிழா எடுத்துச் செய்த பின்னர், 11