|
| | |
| | தலைநின்று செய்த கொடுமையும் சிவன்பணிக்கு இடையூறும், அவன்பால் நீ மேவி என்றதனால் அரசனாணை நடைபெறும் முறையும், கொண்ட குறிப்பால் - என்றதனால் சூளுறவு தெரிந்து முடிக்கவேண்டிய அமைவும், அவன் கருத்தை முடிப்பாய் - என்றதனால் அவர்மேற் கொண்ட பணிவிடையினை நீயே முற்றுவித்தலுடன் புறச்சமயிகளால் இனி இடையூறு நேராதவகை பண்ணவேண்டிய முடிபும் கூறிய நயம் கண்டுகொள்க; கொள - மனங்கொள்ள; கனவிற் கண்ட பொருள் நனவில் மறத்தலு முளதாதலின் அவ்வாறு மாறாது மனத்தினுள் நிலைபெற்றுணரும்படியும், ஐயங் கொள்ளாதபடியும். |
| | அத்தொழில் உவப்பார் - அடியார் இடுக்கண் நீங்கச் செய்யும் அத்தொழிலின் கண்மகிழ்ந்து அருளுவாராகிய இறைவர். தொழில் - திருப்பணி என்றலுமாம். |
| | நீங்க - நீங்கும்படி நியமித்த படியினால் அது நீங்கியதாக. |
| | 14 |
| 3606 | வேந்தனதுகண் டப்பொழுதே விழித்து மெய்யின் மயிர்முகிழ்ப்பப்
பூந்தண் கொன்றை வேய்ந்தவரைப் போற்றிப்புலரத்தொண்டர்பாற்
சார்ந்து புகுந்த படிவிளம்பத் தம்பி ரானா ரருணினைந்தே
ஏய்ந்த மன்னன் கேட்பவிது புகுந்த வண்ண மியம்புவார், | |
| | 15 |
| 3607 | "மன்ன! கேள்யான் மழவிடையார் மகிழுந் தீர்த்தக் குளங்கல்லத்
துன்ன மமண ரங்கணைந்"தீ தறமன்" றென்று பலசொல்லிப்
பின்னுங் கயிறு தடவுதற்கியான் பிணித்த தறிக ளவைவாங்கி
என்னை வலிசெய்தியான்கல்லுங் கொட்டைப்பறித்தா" ரென்றியம்பி, | |
| | 16 |
| 3608 | அந்த னான வுனக்கறிவு மில்லை யென்றார்; யானதனுக்
"கெந்தை பெருமா னருளால்யான் விழிக்கி லென்செய் வீ"ரென்க
‘இந்த வூரி லிருந்கிலோ' மென்றே யொட்டி னா;ரிதுமேல்
வந்த வாறு கண்டிந்த வழக்கை முடிப்ப" தெனமொழிந்தார். | |
| | 17 |
| | 3606. (இ-ள்.) வேந்தன்....போற்றி - அரசன் அக்கனவினைக் கண்டு அப்போதே துயில் நீங்கி உடம்பில் மயிர்க் கூச்செறிய அழகிய கொன்றைப் பூவினைச் சூடிய இறைவரைத் துதித்து; புலர - பொழுது விடிய; தொண்டர்....விளம்பத் - திருத்தொண்டரிடத்துச் சார்ந்து தன்பாற் கனவில் நிகழ்ந்ததனைச் சொல்ல; (அதுகேட்டுத்) தம்பிரானார்....இயம்புவார் - தமது பெருமானாரது திருவருளை நினைந்து பொருந்திய அரசன் கேட்க இவ்வாறு புகுந்த நிலையினைச் சொல்வாராகி, |
| | 15 |
| | 3607. (இ-ள்.) மன்னகேள் - அரசனே நீ கேட்பாயாக; யான்....கல்ல - நான் இளமை பொருந்திய விடையினையுடைய இறைவர் மகிழும் தீர்த்தக் குளத்தைத் தோண்டி அகழ; துன்னும்....சொல்லி - நெருங்கும் அமணர்கள் அங்கு வந்து ஈது அறமன்று என்று பலவாறும் வாயினாற் கூறி; பின்னும்....என்றியம்பி - அதன்மேலும், கையாற் றடவி வழி காண்பதற்காக யான் கயிறு கட்டிய நடுதறிகளையும் பறித்து என்னை வன்மை செய்து யான் மண் கல்லுதற்கு வைத்திருந்த கொட்டையும் பறித்தார்கள் என்று சொல்லி, |
| | 16 |
| | 3608. (இ-ள்.) அந்தனான....என்றார் - விழிக்குருடாகிய உனக்கு அறிவுமில்லை என்றார்கள்; யான்....என்ன - அதற்கு நான் எமது பெருமானருளினால் நான் கண் பெற்றால் நீங்கள் என்ன செய்வீர்கள்? என்று கூற; இந்த....ஒட்டி |