|
| | |
| | தந்து ஆசைகாட்டி அவ்வாசை காரணமாக அவர் கைப்பொாருளினைப் பலமுறையும் இழக்கச் செய்தல் சூதின் நுட்பங்களுள் ஒன்று. ஆக்கி - விருத்தியாக்கி. |
| | சொற்சூதால் மறுத்தாரை - சூதுச் சொல்லால் மறுத்தார்களை என்பது; இங்குச் சூது என்பது வஞ்சச்சொல் என்ற பொருளில் வந்தது. |
| | நற்சூதர் - "நற்சூதால்." (3623); மூர்க்கர் எனும் பெயர் பெற்றார் - மூர்க்கர் என்பது இந்நாயனாருக்குக் காரணப்பெயர். நற்சூதர் என்றும், மூர்க்கர் என்றும் வழங்கப்படும் பெயர்களைப் பெற்றார்; "கற்ற சூதன்" (நம்பி. தேவா) |
| | நற்சூதால் - என்பதும் பாடம். |
| | 9 |
| 3627 | சூதினில்வென் றெய்துபொருள் துரிசற்ற நல்லுணர்விற்
றீதகல வமுதாக்கு வார்கொள்ளத் தாந்தீண்டார்
காதலுட னடியார்க ளமுதுசெயக் கடைப்பந்தி
ஏதமிலா வகைதாமு மமுதுசெய்தங் கிருக்குநாள், | |
| | 10 |
| 3628 | நாதன்ற னடியார்க்கு நல்லடிசி னாடோறும்
ஆதரவி னாலமுது செய்வித்தங் கருளாலே
ஏதங்கள் போயகல விவ்வுலகை விட்டதற்பின்
பூதங்க ளிசைபாட வாடுவார் புரம்புக்கார். | |
| | 11 |
| | 3628, (இ-ள்) சூதினில்....தீதகல - (முன் கூறியவாறு) சூதாட்டத்தினில் வெற்றிக்கொண்டு பொருந்தும் பொருள் குற்றமற்ற நல்லுணர்வின் பயனாகத் தீமை நீங்க; அமுதாக்குவார்....தீண்டார் - தாம் கையாலும் தீண்டாது அமுது ஆக்குவோர்கள் கைக்கொள்ளச் செய்து; காதலுடன்....அமுது செய்து - பெருவிருப்பத்துடனே அடியார்கள் அமுது செய்ய அதன்பின்பு குற்றமில்லாதவகையால் கடைப்பந்தியில் இருந்து தாமும் அமுதுசெய்து; அங்கு இருக்கும் நாள்- அப்பதியில் தங்கியிருக்கும் நாள்களிலே, |
| | 3628. (இ-ள்) நாதன்றன்......அமுத செய்வித்து - தலைவராகிய சிவபெருமானுடைய அடியவர்களுக்கு நல்ல திரு அமுதினை நாடோறும் அன்போடும் அமுது செய்வித்து; அங்கு...போயகல - அங்குத் திருவருளினாலே குற்றங்கள் நீங்கப் பெற்றதனால்; இவ்வுலகை....புரம்புக்கார் - இவ்வுலகை விட்டபின்பு பூதகணங்கள் சூழ்ந்து இசைபாட ஆடுகின்ற சிவபெருமானது உலகமாகிய சிவபுரத்தினிற் புகுந்தமர்ந்தனர். |
| | 11 |
| | இந்த இரண்டு பாட்டுக்களும் தொடர்ந்து ஒரு முடிபு கொண்டன. |
| | 3627. (வி-ரை) சூதினில் வென்று - முன் கூறியவாறு ஆடிய சூதில்வென்று; இங்குச் சூது என்றது சூதாட்டம் என்றும், முற்சூது தோற்று, பிற்சூது பலமுறையும் வென்று என்றவை சூதுத்தந்திரம் என்றும் பொருள்பட நின்றன. |
| | துரிசற்ற நல்லுணர்வில் தீதகல - துரிசு - சூது முயல்வதனால் வரும் குற்றமும், சூதின்வரும் பொருளை அனுபவிப்பதனால் வரும் குற்றமும்; அற்ற அறுதற்கேதுவான; அறுவித்த என்க. உணர்வில் - உணர்வினாலே; தீது முன்சொன்ன துரிசு; அகல - அகலும்படி. பொருள் - பொருளை; 2-ம் வேற்றுமைத்தொகை. |
| | அமுது ஆக்குவார்....தீண்டார் - சூதின் வந்த பொருளினைத் தாம் கையாற் றீண்டுதலும் செய்யாராகி; அதனை முழுதும் அந்நிலையினின்றவாறே திருவமுது |