3. பரதவர் குலவியல் தொழிலாகிய மீன்கொலை வலைத்தொழில் செய்து
நின்றவாறே சிவனடிமைத் தொண்டும் அதற்கேற்றவாறு செய்யலாம் (4002);
திருநாளைப்போவார் நாயனார் வரலாறு பார்க்க.
|
4. நாளும் ஒருமீன் சிவனுக்கென்று கடலில் விடுதலும் சிவத்தொண்டாகும்.
|
5. அந்நியமத்தில் ஒருநாள் ஒருமீனே வரினும் விட்டுவருதலும், அதனால்
செல்வங் குறைந்து அருங் கிளை சாம்புதலும், உணவின்றித் தமது மேனி தளர்வுறுதலும்
கண்டும், அவ்வாறே கிடைத்த ஒரு மீனை விட்டு மகிழ்ந்து வருதல் அன்பின்
உறைப்பினாலாகியது. (4003 - 4004)
|
6. அத்தகைய துன்பநிலையில் உலகடங்கலும் விலைபெறும் பொன்மயமாய்
நவமணி உறுப்புடன் உதயசூரியன் போலச் சுடர்விடும் மீன் ஒன்று பட, அதனையும்
சிவன்கழற்கென விடுத்தல் பொருட்பற்றினை அடியோடு எறியும் செயலாகும்.
|
7. பொருட்பற்று விடுதல் மிக அருமை. இந்நாள் உலகம் பொருட்பற்றே பற்றாக
அலைந்தும் அலைத்தும் வருதல் ஈண்டுக் கருதத்தக்கது.
|
8. பற்றற்ற வழியே இறைவர் வெளியிட்டருளுவர்.
|
9. மண் பெண் பொன் என்ற ஏடணை மூன்றனுள் (ஏடணாத்திரயம்)
பொருட்பற்று மிகக் கடினமாய்ப் பற்றுவது. உலக முழுவதும் பொருள் முதற்றாம்
என்பது ஒரு தடுக்கலாகாத பழமொழி. அதனை முழுதும் வென்றவர்கள் அன்பின்
உறைப்புடைய பெருமக்கள்.
|
தலவிசேடம்: நாகப்பட்டினம் - III - பக்கம் - 461 பார்க்க.
|
| அதிபத்த நாயனார் புராணம் முற்றும்.
_ _ _ _ _ |