வாழ்ந்திடப் , போதுவார்” (35) என்று தொடக்கத்திற் கூறியதனை முடித்துக் காட்டிய
கவிநயமும், பொருத்தமும் காண்க.
|
ஓகை முரசம் - ஓகை - உவகை; தமது மகிழ்ச்சியை ஊரவர் அறிய
வெளிப்படுத்தற்கு இவ்வாறு முரசம் சாற்றுதல் செய்வித்தார்; பெரு நிகழ்ச்சிகளை
முரசமறைவித்து அறிவித்தல் மரபு. சந்தோட பேரிகை என்பர் வடவர். 17
|
| 4226. | பெருகு மதிநூ லமைச்சர்களை யழைத்துப் பெரியோ ரெழுந்தருளப்
பொருவி னகர மலங்கரித்துப் பண்ணிப் பயணம் புறுப்படுவித்
தருவி மதமால் யானையினை யணைந்து மிசைகொண் டரசர்பெருந்
தெருவு கழிய வெதிர்வந்தார் சேரர் குலமுய்ந் திடவந்தார். 18
|
(இ-ள்) பெருகு....அழைத்து - பெருகும் மதிநூல் வல்ல அமைச்சர்களை
வரவழைத்து; பெரியோர்...புறப்படுவித்து - பெரியோராகிய நம்பிகள் எழுந்தருளுதற்காக
ஒப்பற்ற அந்நகரத்தினை அலங்கரித்துப் பண்ணிப் பயனம் புறப்படச் செய்து;
அருவி..மிசை கொண்டு - அருவி போலப் பாயும் மதத்தினை யுடைய யானையை
அணைந்து அதனை மேல் கொண்டு; அரசர்....உய்ந்திட வந்தார் - அரசர்களது பெருந்
தெருவு கழிந்திட எதிர் கொள்ளும் பொருட்டு வந்தார் சேரர் குலம் உய்ந்திட
வந்தவராகிய சேரமானார்.
|
(வி-ரை) உய்ந்திட வந்தார் - எதிர் வந்தார் - என்க; உய்ந்திட வந்தார் -
வத்தவராகிய சேரலனார் என வினையாலணையும் பெயர்.
|
அமைச்சர்களை அழைத்து - புறப்படுவித்து - அரசர் அமைச்சர்களுடனே
சென்று எதிர் கொள்ளுதல் அரசாங்கத்தின் சிறப்பாகிய பெரிய மரபு; எழுந்தருள -
எழுந்தருளுதற்காக; அதற்குத் தகுதியாக.
அலங்கரித்துப் பண்ணி - அலங்காரங்களை யெல்லாம் விதிப்படி செய்வித்து;
“மிசைகொள் பண்ணும் பிடி வெள்ளம்” (3890); “தோன்றப் பண்ணும் பிடி” (3894);
பண்ணுதல் - வினை முற்றுதல்.
|
யானையினை - மிசை கொண்டு வந்தது நம்பிகளை எதிர்கொண்டு வணங்கி
அவரை அந்த யானையின் மேல் ஏற்றித் தாம் பின்னிருந்து உபசரித்து வருவதற்கு;
மேல் “வரு கைவரையின் மிசையேற்றித் தாம்பின் மதிவெண் குடைகவித்தார்” (4249)
என்பது காண்க; முன்னர் வரலாறும் (3894) காண்க.
|
அரசர் பெருந்தெருவு கழிய - அரசர் வாழும் பெருந்தெருவு பிற்பட
மேற்சென்று அத்தெரு வளவிலமையாது; நாட்டின் எல்லை பெற நெடுந்தூரம்
சென்றமை மேற் பாட்டிற் கூறுதல் காண்க. அதன் தொடக்கம் இவ்வாறு கூறப்பட்டது.
18
|
| 4247. | மலைநாட் டெல்லை யுட்புகுத வந்த வன்றொண் டரைவரையிற்
சிலைநாட் டியவெல் கொடித்தானைச் சேரர் பெருமா னெதிர்சென்று
தலைநாட் கமலப் போதனைய சரணம் பணியத் தாவில்பல
கலைநாட் டமுத வாரூரர் தாமுந் தொழுது கலந்தனரால். 19
|
(இ-ள்) மலைநாட்டு ......வன்றொண்டரை - மலை நாட்டின் எல்லையினுள்ளே
புகுதும்படி வந்தணைந்த நம்பிகளை; வரையில்.....சேரர் பெருமான் - மேரு
மலையினுச்சியில் தமது விற்கொடியைப் பொறித்த வெற்றிக் கொடியினையும்
சேனைகளையும் |