வேண்டிக்கொண்டு அதன்பின்னர்; உரிமை........முன் செய்து - விரும்பியனவாகிய நல்ல
பூசைகளைச் சொல்லளவிலடங்காதன என்னும்படி முன்னே செய்து; பரிசனம்....சிந்தினர்
|
(வி-ரை) அரியணையதனில் - விடை என - விளங்கிட - அமர்ந்திட -
நம்பியைத் - தலைவர் - பணிந்து - என்று, கூட்டுக; அரியணை - சிங்காதனம்;
அரியணை மீதிருத்துதல் முன்னரும் (3897) காண்க. சிங்கக் கால்கள் போல
அமைப்புடையவை.
விடை என விளங்கிட - வீரமும், வெற்றிப்பாடும், இளமையும் என இவை
மிக்குயர்ந்த தோற்றங் குறிக்க விடை என என்றார். “வென்றி யடல்விடை
போனடந்து” (275); விடை என - விடையிற் போல இறைவர் விளங்கி இருக்குமிடமாக
என்பதும் குறிப்பு; இருத்தற்கிடமாதல் சிவராசயோகத்தினாலே தமது திருமேனியை
யிடமாகக் கொண்டு சிவம் விளங்கப் பெறுதல்; “வடிவு நம்பி யாரூரர் செம்பொன்
மேனி வனப்பாக..சிவபோக முதிர்ந்து முடுகி விளைந்ததால்” (4230); விடையினது இப்
பெருமை பற்றிச் “சடையார் தேவர்கடம் பிராட்டி யுடனே சேரமிசைக், கொள்ளுஞ்
சினமால் விடைத் தேவர் குலம்” (1227) என்றதும், பிறவும் பார்க்க. விளங்கிட என்ற
குறிப்புமிது; நம்பிகள் எழுந்தருளி யமர்ந்ததனைச் சிவம் - விளங்குவதாகவே நாங்கள்
காண என்பதாம். மலையர் - மலைநாட்டவர்கள்.
|
மலரமளி - அரியணைமீது அமைத்த பூந்தவிசு (மலராசனம்).
|
நல்வினைகள் - பாதம் விளக்கல், புகை - விளக்கு ஏந்துதல், முதலிய
பூசைவகைகள். (3898 -3899).
|
புரிந்தன வாகிய - உரிமை நல் வினைகள் என்க. புரிதல் - விரும்புதல்;
முன்னர்ப் புரிந்த - செய்த - என்றலுமாம். உரிமை - செய்தற்குரிமை. (3898).
|
உரை முடிவில என - முன்னர் விரித்துக்கூறியமையால் இவ்வாறு சுட்டிக் கூறி,
அதனினும் மேலாக என்று கொள்ளவைத்தார்.
|
பரிசனம் - இருபாலும் உள்ள பரிசனங்களும், பரிசனம் மனமகிழும்படி....சிந்தினர் என்றனர், சிந்திய மணி நிதிகளைக் கொண்டு மகிழ்வோர்
அவரேயாகலான். அவ்வாறு சிந்திய மணிநிதிகளை வேறு எவரும் கொள்ளும்
நிலையின்மையும் குறிப்பித்தவாறு. மணிநிதி - உம்மைத் தொகை.
பலபட - பல திறப்படவும், நிறைவாகவும்; சிந்துதல் - வாரி யிறைத்தல்.
|
| பலபடி என்பதும் - பாடம். |
| 26
|
| வேறு
|
| 4255. | இன்ன தன்மையி லுதியர்க டலைவர்தா மிடர்கெட முனைப்பாடி
மன்னர் தம்முடன் மகிழ்ந்தினி துறையுநாண் மலைநெடுநாட்டெங்கும்
பன்ன கம்புனை பரமர்தந் திருப்பதி பலவுடன் பணிந்தேத்திப்
பொன்னெ டுந்தட மூதெயின் மகோதையிக் புகுந்தனர் வன்றொண்டர்.
|
(இ-ள்) இன்ன தன்மையில்.....உறையுநாள் -இவ்வாறாகிய தன்மையில் சேரர்களது
அரசராகிய சேரலனார் இடர் நீங்கும்படி முனைப்பாடி நாட்டின் அரசராகிய
நம்பிகளுடனே மகிழ்ச்சியுடன் இனிமையாகக் கூடியிருக்கும் நாள்களில்; வன்றொண்டர்
- நம்பிகள்; மலைநெடு......ஏத்தி - நீண்ட மலைநாட்டில் எங்கெங்குமுள்ள, பாம்பினைப்
புனைந்த இறைவனார் எழுந்தருளிய திருப்பதிகள் பலவற்றையும் |