சேரலனாருடனே கூட அணைந்து பணிந்துதுதித்து; பொன்நெடும்..புகுந்தனர் -
பொன்புனைந்த நீண்ட பெரிய மதில் சூழ்ந்த மகோதை நகரினுள்ளே வந்து
புகுந்தருளினர்.
|
(வி-ரை) இன்னதன்மை - முன்பாட்டிற் கூறியவாறு உபசரிக்கப்பட்ட நிலை.
|
இடர்கெட - ஏத்தி - என்றது இந்த இரண்டு பெருமக்களும் மலைநாட்டுப்
பதிகளைச் சென்று பணிந்து ஏத்தியதனால் உலகம் இடர் நீங்கி உய்தி பெற்றது
என்றதாம். “மாத வஞ்செய்த தென்றிசை வாழ்ந்திடப் - போதுவார்” (35) என்றதும்,
ஆண்டுரைத்தவையும் பார்க்க; உலக முய்ந்திட என்க. இவர்களுடைய பாவனை
நோக்கம் முதலியவற்றால் வரும் நன்மைகளாற் றுன்ப நீங்க என்பதாம்.
|
மலை........பதிபல - இவை திருச்சிவப்பேரூர் விடைக்குன்று நாதேச்சரம் (திருச்சூர்
- Trichur எனப் பிழைபட மருவி வழங்குவது); வைக்கம் (கரன் பூசித்தது);
திருச்செங்குன்றூர் (விறன்மிண்ட நாயனாரது பதி); சுசீந்திரம் (திருவிதாங்கூர் சீமை )
முதலாயின என்பது கருதப்படும்.
|
உடன் - சேரலனாருடன் கூடி. விரைவாக - அன்புடனே - என்றலுமாம்.
|
மகோதை - சேர அரசர் தலைநகர், அஞ்சைக்களம் - கொடுங்கோளூர்;
“மகோதை யணியார் பொழி லஞ்சைக் களம்” (தேவா) (3751) பார்க்க.
|
வன்றொன்டர் ஏத்திப் புகுந்தனர் - என்க. சேரலனார் நம்பிகளைப் பின்பற்றி
நீங்கா நிழல்போல உடன் சென்றமையால் சிறப்புப்பற்றி வன்றொண்டர் புகுந்தனர் என
அவரொருவரது தொழிலாக உரைத்தருளினர். உடன் - ஏத்திப் - புகுந்தனர். 27
|
| 4256. | ஆய செய்கையி னாள்பல கழிந்தபி னரசர்கண் முதற்சேரர்
தூய மஞ்சனத் தொழிலினிற் றொடங்கிடத் துணைவராம் வன்றொண்டர்
பாய கங்கைசூழ் நெடஞ்சடைப் பரமரைப் பண்டுதாம் பிரிந்தெய்துஞ்
சேய நன்னெறி குறுகிடக் குறுகினார் திருவஞ்சைக் களந்தன்னில். 28
|
(இ-ள்) ஆய...பின் - முன் கூறியவாறு ஆகிய செயலிலே பல நாட்கள்
கழிந்தபின் (ஒரு நாள்); அரசர்கள்......தொடங்கி - (முடியுடை மூவேந்தர்களுள்) முதலில்
வைத்தெண்ணப்படும் சேரலனார் தூய திருமஞ்சனம் செய்தருளும் தொழிலில்
தொடங்கியிட; துணைவராம் வன்றொண்டர் - அரவது தோழனாராகிய வன்றொண்டர்;
பாய...குறுகிட - பரவிய கங்கையினைச் சூழ்ந்து முடித்த நீண்ட சடையினையுடைய
சிவபெருமானை முன்னை நிலையிற் றாம் பிரிந்து போந்து இவ்வுலகில் வந்த தூரமாகிய
நல்ல நெறியானது முடியும் எல்லை வர; திருவஞ்சைக்களந்தன்னிற் குறுகினார் -
திருவஞ்சைக்களத்தில் அணைந்தனர்.
|
(வி-ரை) ஆய - முன் பாட்டிற் கூறியவாறு ஆகிய; ஆய - ஆக்கமுடைய
என்ற குறிப்புமாம்.
|
கழிந்த பின் - கழிந்த பின்னர் ஒருநாள்; ஒருநாள் என்பது இசையெச்சம்.
|
அரசர்கள் முதற் சேரர் - மூவேந்தர்களை எண்ணும்போது சேர சோழ
பாண்டியர் என்று முறைப்படுத்தி முதலிற் சொல்லவரும் சேரர்; இவ்வாறன்றி
அரசர்களுள் மேம்பட்ட என்றலுமாம்.
|
மஞ்சனத் தொழில் - நீராடும் செயல்.
|
மஞ்சனத் தொழில் தொடங்கிட வன்றொண்டர் திருவஞ்சைக்களத்தன்னில்
- குறுகினார் - என்க; பதிவழிபாட்டு நிலைகளின்போது முன்னரெல்லாம் சேரனார்
|