3095.	தண்வயல் புடையணி சக்கரப் பள்ளியெம்
	கண்ணுத லவனடிக் கழுமல வளநகர் நண்ணிய செந்தமிழ் ஞானசம் பந்தன்சொல் பண்ணிய விவைசொலப் பறையுமெய்ப் பாவமே.   11

திருச்சிற்றம்பலம்

     11. பொ-ரை: குளிர்ந்த வயல் சூழ்ந்த வளமை நிறைந்த அழகிய
திருச்சக்கரப்பள்ளியில் எம்முடைய, நெற்றிக்கண்ணையுடைய சிவபெருமானின்
திருவடிகளை, திருக்கழுமல வளநகரில் அவதரித்த செந்தமிழ் வல்ல
ஞானசம்பந்தன் போற்றிய இத்திருப்பதிகத்தைப் பக்தியுடன் பாடுபவர்களின்
பாவம் நீங்கும்.

     கு-ரை: மெய்ப்பாவமே-உடம்பினாற் செய்த பாவம் . எனவே
ஏனைக்கரணங்களாற் செய்த பாவமும் அடங்குதலறிக.

திருஞானசம்பந்தர் புராணம் சக்கரப் பள்ளியார் தந்திருக் கோயிலுள் புக்கருத் தியினுடன் புனைமலர்த் தாள்பணிந் தக்கரைப் பரமர்பால் அன்புறும் பரிவுகூர் மிக்கசொற் றமிழினால் வேதமும் பாடினார்.                                  -சேக்கிழார்.