3276.	அந்தண் காழி யருமறை ஞானசம்
	பந்தன் பாய்புனல் சூழ்கழிப் பாலையைச் சிந்தை யாற்சொன்ன செந்தமிழ் வல்லவர் முந்தி வானுல காடன் முறைமையே.         11

திருச்சிற்றம்பலம்

பாலையில் வீற்றிருந்தருளும் எம் தலைவராகிய சிவபெருமானுடைய சிவந்த
திருவடிகளையே சரணாக அடைந்து உய்தி பெறுங்கள்.

     கு-ரை: செய்ய - சிவந்த. நுண் - மெல்லிய. துவர் ஆடையினார்
- காவி உடையை உடைய புத்தர் (மெய்யில் நீராடாமையால்) உடம்பில்
அழுக்கு மிகுந்த. வீறு இலா - பெருமையில்லாத. கையர் - வஞ்சகராகிய
சமணர். வீறு - பெருமை. கையர் - வஞ்சகர்.

     11. பொ-ரை: அழகிய, குளிர்ச்சி மிகுந்த சீகாழியில் அவதரித்த
அருமறைவல்ல ஞானசம்பந்தன், பாய்கின்ற நீர் சூழ்ந்த திருக்கழிப்
பாலையைப் போற்றிச் சிவ சிந்தையோடு சொன்ன செந்தமிழாகிய
இத்திருப்பதிகத்தை ஓத வல்லவர்கள் எல்லோரும் முன்னதாக வானுலகத்தை
ஆளுதற்கு உரியவராவர்.

     கு-ரை: அம்-அழகு. தண் - குளிர்ச்சி. சிந்தை - சிவனடிக்கு
இடமாக்கிய கருத்து, முந்தி - ஏனைய தவிர்த்தோர்க்கும் முன்னரே.
உலகு+ஆள்தல்=உலகாடல் - உலகை ஆளுதல்.