பதிக வரலாறு:

     திருவாரூர் அரசளிப்பவர் அருளினால் அடியவர் குழுவும்
பரிசனங்களும் புறத்து அணைந்து எதிர்கொள்ளும் பொழுது,
மெய்த்தொண்டர் குழாத்தின் எதிர்வணங்கி, முத்தமிழ் விரகர் இத்தமிழ்
பாடியருளினார்.

பண்: கௌசிகம்

திருச்சிற்றம்பலம்

3278.	கருத்த னேகரு தார்புர மூன்றெய்த
	ஒருத்த னேயுமை யாளொரு கூறனே திருத்த னேதிரு வாரூரெந் தீவண்ண அருத்த வென்னெனை யஞ்சலென் னாததே.     2

     1. பொ-ரை: சிவபெருமான் உலகத்தின் ஒடுக்கத்திற்கும்,
தோற்றத்திற்கும் நிமித்த காரணன். திருவெண்ணீறு பூசிய வேத நாயகன்.
என் சிந்தையில் புகுந்து விளங்குபவன். திருவாரூரில் வீற்றிருந்தருளும் எம்
தந்தையான அவன் என்னை ஏற்று அருள் புரிவானோ!

     கு-ரை: உலகின் முடிவும் முதலும் ஆகியவன் என்பது உலகின்
தோற்ற ஒடுக்கங்கட்கும் நிமித்தகாரணனாய் உள்ளவன். எம் எந்தை -
எங்கள் அனைவருக்கும் உரிய என் தந்தை. எம் என்றது பலதிறத்தினராகிய
அடியவரை. அது "உருத்திர பல் கணத்தார்""பல்லடியார்" என்பனவற்றால்
அறிக.

     2. பொ-ரை: இறைவர் என் கருத்திலிருப்பவர். தம்மைக் கருதிப்
போற்றாத பகையசுரர்களின் மூன்று புரங்களையும் அக்கினிக்கணை
தொடுத்து எரித்துச் சாம்பலாகுமாறு செய்தவர். ஒப்பற்றவர்,