3287.	வன்னி கொன்றை மதியொடு கூவிளம்
	சென்னி வைத்த பிரான்றிரு வாரூரை மன்னு காழியுண் ஞானசம் பந்தன்வாய்ப் பன்னு பாடல்வல் லார்க்கில்லை பாவமே.     11

திருச்சிற்றம்பலம்

தாங்கிய இறைவர், மன்னுயிர்களின் பாவங்களை நீக்கி அழகிய திருவாரூரில்
வீற்றிருந்தருளும் அடிகளாவார். அவர் என்னை அஞ்சாதே என்று அருள்
புரிவாரோ!

     கு-ரை: நேர்கிலா - சிந்திக்க மாட்டாத. கில் - ஆற்றல் உணர்த்தும்
இடைச்சொல். படியவன் - தன்மையன், வடிவினன் எனலும் ஆம். செடிகள்
- தீமைகள், பாவங்கள்.

     10. பொ-ரை: அழுக்கு உடம்பையுடைய சமணர்களும், துவராடை
அணிந்த புத்தர்களும், கூறும் பயனற்ற சொற்களைக் கொள்ளாதீர்,
அருளொளி விளங்கும் அழகிய திருவாரூரில் வீற்றிருந்தருளும் எம்
இறைவரான சிவபெருமான் என்னை ஏற்று நின்று அருள்புரிவாரோ!

     கு-ரை: துவர் ஆடைமேற்கொள்ளும் - செந்நிறப் போர்வையைப்
போர்க்கும். காசை - காஷாய உடை. திவ்வியப் பிரபந்தம் 1658. காசை
மலர் போல்மிடற்றார். தேசம் - ஒளி.

     11. பொ-ரை: வன்னி, கொன்றை, சந்திரன், வில்வம் ஆகியவற்றைச்
சடைமுடியில் திகழச் சூடிய சிவபெருமான் வீற்றிருந்தருளும் திருவாரூரை,
நிலைபெற்ற சீகாழியில் அவதரித்த ஞானசம்பந்தன் வாய்மலர்ந்து அருளிய
இத்திருப்பாடல்களை ஓத வல்லவர்கட்குப் பாவம் இல்லை.

     கு-ரை: ஓடு எண்ணுப் பொருளது. சென்னி - தலைமீது. வாய் -
திருவாயினால். பன்னு - சொல்லிய, வல்லார்க்குப் பாவம் இல்லை.