வாட்டிடக் (கண்டும்) காரும், மறுவும் உன்னையே அத்தனைக்குப் படுகின்றன' எனக் கூட்டி முடிக்க. சூடு நல் தார்த் தமிழ் ஆகரன் - சிவபெருமானுக்கு அணிவிக்கின்ற நல்ல மாலையாம் தமிழுக்கு இருப்பிடமானவன்; ஞானசம்பந்தர். ஏசறுதல் - ஏக்கம் உறுதல். கொம்பு - பூங்கொம்பு போல்வாள்; தலைவி 'தமிழாகரன் போல நீயும் பகையாகின்றனை' என்றமையால் உம்மை இறந்தது தழுவிய எச்சம். 'பகையாய்' என ஆக்கம் வருவிக்க. ஆடுதல் - வெல்லுதல்; "ஆடாடென்ப ஒருசாரோரே; - ஆடன் றென்ப ஒருசாரோரே"¹ என்றது காண்க. அரவம் - இராகு என்னும் பாம்பு. 'வாட்டிட' என எதுகை நோக்கி இடைக் குறைந்து நின்றது. கார் - மேகம்; இது நிலவிற்குப் பெருங்குறையாய் நின்று இழிவை உண்டாக்குகின்றது. அத்தனைப் படுகின்ற - அந்த அளவு பொருந்துகின்றன.

1227. குறிப்புரை: இப்பாட்டு, களவின் கண் தோழி தலைவனை "வேளாண் பெருநெறி வேண்டியது"² அஃதாவது தலைவனை விருந்தினனாகத் தம் இல்லத்தில் ஓர் இரவு தங்கிச் செல்ல வேண்டியது.

மதிக்கு அத்தகு நுதல் சந்திர உவமையாகின்ற அத்துணைத் தகுதி வாய்ந்த நெற்றி. 'உவமை யாகின்ற' என்பது சொல்லெச்சம். மாது - தலைவி மாதொடும் வைகுதல் களவினாலாம். "வைகி" என்றதனால் 'இராப் பொழுது' என்பதும், அதனானே, 'நாடு குறுகுதல் பொழுது புலர்ந்தபின்' என்பதும் போந்தன. கருது - இசை. "அதனைக் கடந்து" என்றது. 'நகர்க்குப் புறத்தே சென்று' என்றபடி. கமலம், தாமரை மலர்; ஆகுபெயர், முகிழ்ந்த தேன் - கட்டு அவிழாமையால் தங்கியுள்ள தேன். அதனை உண்பது வரால் மீன். மிண்டி - உழவர்களையும் மோதி. குருகு - நீர்ப் பறவை. இரியும் - அஞ்சி ஓடுகின்ற, "துதிக்கத் தகு..... குருகு இரியும்" - என்றது கொச்சையை (சீகாழியை)ச் சிறப்பித்தது.

1228. குறிப்புரை: இப்பாட்டு, இயற்கைப் புணர்ச்சிக்குப் பின்னர்த் தலைவன் பிரியக் கருதிய பொழுது தலைவி, 'இவர்

1. புறம் - 85.
2. தொல் - பொருள் - களவியல் - தோழி கூற்று.