பரத்தையிற் பிரிவு

25.2 பொறையுவந்துரைத்தல்

    பொறையுவந்துரைத்தல் என்பது தலைமகனைப் பரத்தையரெதிர் கொண்டமை கேட்ட தலைமகள் நெஞ்சுடைந்து புறத்து வெளிப்படாமற் பொறுத்தமை கண்ட தோழி, யானிவ்வாறாகவும் கலங்காது நின்ற பெரும்பொறையாட்டியை யான் இன்று பேசுவன என்னென்று அவளையுவந்து கூறாநிற்றல். அதற்குச் செய்யுள்-

353. சுரும்புறு கொன்றையன் தொல்புலி
        யூர்ச்சுருங் கும்மருங்குற்
    பெரும்பொறை யாட்டியை யென்இன்று
        பேசுவ பேரொலிநீர்க்
    கரும்புறை யூரன் கலந்தகன்
        றானென்று கண்மணியும்
    அரும்பொறை யாகுமென் னாவியுந்
        தேற்வுற் றழிகின்றதே.

353

__________________________________________________

25.2.  கள்ளவிழ் கோதையைக் காதற் றோழி
      உள்ளவிழ் பொறைகண் டுவந்து ரைத்தது.

    இதன் பொருள்: பேரொலி நீர்க் கரும்பு உறை ஊரன் கலந்து அகன்றான் என்று - பெரிய வொலிக்கு நீரையுடைய கரும்புதங்கு மூரை யுடையவன் கலந்துவைத்து நீங்கினானென்று கருதுதலான்; கண்மணியும் அரும் பொறை ஆகும் - எண்கண்மணியும் பயனின்மை யாற் றாங்குதற்கரிய பாரமாகாநின்றன; என்ஆவியும் தேய்வுற்று அழிகின்றது - எனதுயிருந் தேய்ந்தழியா நின்றது; பெரும் பொறை யாட்டியை என் இன்று பேசுவ-யானிவ்வாறாகவுங் கலங்காது நின்ற பெரும்பொறையையுடையவளை யான் இன்று பேசுவனவென்! எ-று.

    சுரும்பு உறு கொன்றையன் தொல் புலியூர்ச் சுருங்கும் மருங்குல் பெரும் பொறையாட்டியை - சுரும்புகள் வாழுங் கொன்றைப் பூவினை யுடையானது பழையதாகிய புலியூரிற் சுருங்கின மருங்குலையுடைய பெரும்பொறையாட்டியையெனக் கூட்டுக.

    என் கண்மணியுந் தேய்வுற்றழியாநின்றது ஆவியுமரும்