48-53: பாடல்....................பாலையில்

     (இ-ள்) படும்அழல் நீக்க-உண்டாகும் வெப்பத்தைத்தணித்துக் கொள்ளுதற் பொருட்டு; பாடல்சால் பச்சைக் கோடகக் காற்றை-நல்லிசைப் புலவர்களின் பாடலுக்கு அமைந்த பசிய காற்றாகிய குதிரையினை; மையில் காட்சிக் கொய்யுளை நிற்ப-குற்றமற்ற காட்சியினையுடைய கத்திரிகையால் கொய்து மட்டஞ்செய்த பிடரிமயிர் சிலிர்த்து நிற்பவும்; இருகால் வயிற்றிலிருந்து வாய்முளைத்தென்ன-முன்னங்கால் இரண்டும் வயிற்றினுள்ளிருந்து வாயினூடே முளைத்தாற்போலத் தோன்றும்படி; முகனிற்கு அருகா துரந்து-முகத்திற்குப் பக்கத்திலே செல்லும்படி முடுக்கி; குடகடல் குளிக்கும்-மேற்கடலில் குளித்தற்குக் காரணமான; நாவாய் குறியா தீவாய் பாலையில்-நாவினையுடைய வாயினாலும் சொல்லப்படாத தீப் பொருந்திய பாலை நிலத்தின்கண் என்க.

     (வி-ம்.) அழல்-வெப்பம். பாடல்சால் காற்றுக் கோடகத்தை என்பது கருத்து. கோடகம்-குதிரை. மை-குற்றம். உளை-பிடரி மயிர். விரைந்து பாய்ந்து செல்லும் குதிரையின் முன்னங்கால்களிரண்டும் அதன் முகத்தை மிகவும் அணுகித் தோன்றுமாகலின் அக்கால்கள் அதன் வாயில் நின்றும் தோன்றினாற்போல அருகாக என்றார். முகன்-முகம். அருகா எனது ஈறு தொக்கது. துரத்தல்க்-முடுகுதல். குடகடல்-மேலைக்கடல். நாவாய்-நாவினையுடையவாய். வாயால் குறித்தால் வாய் வெந்துபோம் என்பது கருத்து.

எனவும், கம்ப நாடரும் கூறுதல் காண்க.

54-58: தம்மில்...........................அறிவே

     (இ-ள்) தம்மில் இன்பங்கூடி-கொடுப்பாரும் அடுப்பாருமின்றித் தம்மிற்றாமே தலைப்பட்டு இன்பமெய்தி மேலும்; சூளுடன் ஒன்றி விளைந்து சென்றாட்கு-தலைவனுடைய வஞ்சினமொழிய்யோடே பொருந்திக் காதல் முதிர்ந்து செவ்விதேர்ந்து அக்காதலனனுடன் என்று அந்நங்கைக்கு; உடைந்து உண்பதும் அடங்கி-நெஞ்சுடைத்து வருந்தி உண்ணுதலும் இன்றி; பொன்பதி நீங்கி-அழ்க்ஷகிய ஊரைவிட்டு இப்பாலை நிலத்தே வந்து; பெருங்குரல் முழங்கக் கூஉய்-பெருங்குரலெடுத்துத்