:திருக்கோவையார் செய்யுள். 134
தமர் நினைவுரைத்து வரைவுகடாதல்

     இற்செறிவறிவித்து வரைவுகடாயதோழி. அவண் முலை.... திடைவருத்துவதனைக் கண்டு எம ரிற்செறிப்பா ராக நின்றார்; அயலவரு மகட்பேச நினையாநின்றாரெனத் தமர் உரைத்து வரைவுகடவா நிற்றல். அதற்குச் செய்யுள்-

விற்செறி நுதலியை இற்செறி விப்பரென் றொளிவே லவற்கு வெளியே யுரைத்தது.

     (இ-ள்) சிலம்பா-சிலம்பா; சுற்றும் சடைக்கற்றைச் சிற்றம்பலவற் றெழாது-சுற்றப்பட்ட சடைத்திரளையுடைய சிற்றம்பலவனை முற்பிறவியிற்றொழாமையான்; கற்றும் தொல்சீர் அறியலரின்-நூல்களைக் கற்றுவைத்தும் அவனது பழைய புகழை யறியாதாரைப்போல; இடை நைவது கண்டு-முலைதாங்கலில்லாத திடை வருந்துவதனைக் கண்டு; எற்றும்திரையின் அமிர்தை இனிமதர் இற்செறிப்பார்-எற்றுந்திரையையுடைய கடலிற்பிறந்த இனிய யமிர்தத்தையொப்பாளை இப்பொழுது தமர் இற்செறிப்பார்-மற்றும் சீறூர் பகர் பெரு வார்த்தைகள் சிலபல-அதுவுமின்றி இச்சீறூராற் பகரப்படும் பெரியவார்த்தைகள் சிலபலவுள; எ-று.

     (வி-ம்.) எற்றுந் திரை என்பது சினையாகிய தன்பொருட்கேற்ப வடையடுத்து நின்றதோராகுபெயர். இற்செறிப்பா ரென்பது; ஆரீற்று முற்றுச் சொல். வினைப்பெய ரென்பாருஞ் செறிப்பரென்று பாடமோதுவாருமுளர். சிலபலவென்பது பத்தெட்டுளவென்பது போலத் துணிவின்மைக்கண் வந்தது. சீறூர்ப்பக ரென்பதூஉம் பாடம். மெய்ப்பாடு-அச்சத்தைச் சார்ந்த பெருமிதம்; பயன்-வரைவுகடாதல்.

:கல்லாடர் தாம் பாடிய கல்லாடம் என்னும் இந்நூலில் திருக்கோவையாரில் அமைந்த நூறு துறைகளின் பொருளையமைத்துப் பாடினார் என வரலாறு அமைந்திருப்பதால் ஒவ்வொரு செய்யுட்கும் உரிய திருக்கோவையார்ப் பாடல்முதற்கண் காட்டப்பட்டுள்ளது.