| -தண்காட்டிக்
கார்காட்டித் தையலர்தங் கண்காட்டிச் சோலைகள்சூழ்
சீர்காட்டுப் பள்ளிச் சிவக்கொழுந்தே. (அருட்பா) அஞ்சல் முகவரி :-1
அ/மி. ஆரண்யசுந்தரேஸ்வர் திருக்கோயில்
கீழைத்திருக்காட்டுப்பள்ளி - திருவெண்காடு அஞ்சல்
சீர்காழி வட்டம் - நாகப்பட்டினம் மாவட்டம் - 609 114. 67/13. திருக்குருகாவூர்.
திருக்கடாவூர். | சோழநாட்டு (வடகரை)த் தலம். பசியோடிருந்த சுந்தரருக்கு இறைவன் கட்டமுதும் நீரும் தந்தருள்
செய்து பசிபோக்கிய தலம். மக்கள் வழக்கில் திருக்கடாவூர் என்று வழங்குகிறது. சீர்காழியிலிருந்து தென் திருமுல்லைவாயில் செல்லும் சாலையில் 6-
ஆவது கி.மீ.ல் வடகால் என்னும் ஊரில், சாலையில் குருகாவூருக்குச்
செல்லும் பாதை பிரிகின்றது. (வழிகாட்டிப் பலகையும் உள்ளது.)
அப்பாதையில் சென்றால் 1 கி.மீ.ல் குருகாவூரையடையலாம். ஊர்க்கோடியில்
கோயில் உள்ளது. ஊர் - குருகாவூர். கோயில் - வெள்ளடை. இறைவன் - சுவேதரிஷபேஸ்வரர், வெள்ளடையீஸ்வரர்,
வெள்ளடைநாதர். இறைவி - நீலோத்பல விசாலாட்சி, காவியங்கண்ணி. தீர்த்தம் - பால் கிணறு. கோயிலுக்கு வெளியில் தனிச்சுற்று
மதிலுடன் உள்ளது. தைமாதத்தில் அமாவாசை நாளில்
இறைவன் எழுந்தருளி இங்குத் தீர்த்தம் கொடுப்பது
சிறப்பானது. |