லாம்படி கண்வளர்ந்தருளுகிறான் என்றபடி. ¹‘தாளும் தோளும் முடிகளும் சமன் இலாத பலபரப்பி’ என்கிறபடியே, கண்வளர்ந்தருளுகைக்குத் தகுதியான பரப்பையுடைத்தாய், தனது ‘சம்பந்தத்தாலே அலைகள் கொந்தளிக்கிற கடல் என்பார், ‘நிமிர்திரை நீள்கடலான்’ என்கிறார். ²‘மாலும் கருங்கடலே என் நோற்றாய்?’ என்பது பொய்கையார் திருவாக்கு.

(6)

62

        நீள்கடல் சூழ்இலங் கைக்கோன்
        தோள்கள் தலைதுணி செய்தான்
        தாள்கள் தலையில் வணங்கி
        நாள்க டலைக்கழி மின்னே.

    பொ-ரை : நீண்ட கடலாற் சூழப்பட்ட இலங்கைக்குத் தலைவனான இராவணனுடைய தோள்களையும் தலைகளையும் அறுத்துத் தள்ளிய இறைவனுடைய திருவடிகளைத் தலையினால் வணங்கி வாழ்நாள்களாகிற கடலைக் கழிமின்.

    வி-கு : செய்தான் - வினையாலணையும் பெயர். தலையில்-தலையால் (வேற்றுமை மயக்கம்). ‘வணங்கிக் கழிநின்’ என முடிக்க.

    ஈடு : ஏழாம் பாட்டு. ‘இறைவன் எல்லை அற்ற இனியன் என்றீர்; அவனை அடைகின்ற வரையில் இடையிலே உள்ள காலத்தைப் போக்கும் விதம் எப்படி?’ என்ன, அதற்கு அன்றே, ³‘மனத்துக்கு இனியானுடைய குணங்களிருக்கின்றன’ என்கிறார்?

    நீள்கடல் சூழ் இலங்கைக் கோன் - ‘பரந்த கடலை அகழியாகவுடைத்தாய், அதுதானும் மிகையாம்படியான அரண்களையுடைத்தாய் இருந்துள்ள இலங்கைக்குத் தலைவன் அல்லனோ?’ என்னும் கெட்ட அகங்காரத்தாலே ‘சக்கரவர்த்தி திருமகன்’ என்று மதியாமல் எதிரிட்ட பையலுடைய. தோள்கள் தலைதுணி செய்தான் - ‘அகப்படாதவன் அகப்பட்டான்; தப்பாமல் கொன்று விடுவோம்’ என்று பாராமல், தோள்களைக் கழித்துத் தலைகளைச் சரித்துப் போது போக்காக நின்று கொன்றபடி. தாள்கள் தலையில் வணங்கி-அவனுடைய வீர சரிதங்களைக் கொண்டு திருவடியைப் போலே போது போக்கி. நாள் கடலைக் கழிமின் - இறைவனுடைய

1. திருவாய். 8. 10 : 8.

2. முதல் திருவந். 19.

3. ‘சினத்தினால் தென்னிலங்கைக் கோமானைச் செற்ற, மனத்துக்கினியானைப்
  பாடவும் நீ வாய்திறவாய்’ என்பது திருப்பாவை.