என்கைக்காக, ¹‘சரணமாகும்’ என்று தொடங்கி, மரணமானால் வைகுந்தங் கொடுக்கும் பிரான்’ என்று பேறு முடிய முழுதினையும் நடத்தும் என்று அருளிச்செய்தார், ‘இவ்வுபாயத்தையே உறுதியாக நம்பி இருக்கும் அவனுக்குக் காலக்ஷேபத்தின் வகை இருக்கும்படி என்?’ என்னில், ²‘தொண்டர்க்கு அமுது உண்ணச் சொன்மாலைகள் சொன்னேன், அண்டத்து அமரர் பெருமான் அடியேனே’ என்பதனால், ‘இத்திருவாய்மொழிதானே காலக்ஷேபப் பிரகாரம்,’ என்று அருளிச்செய்தார்.

    ‘இப்படி உபாயத்தை மேற்கொண்டு இதுவே போது போக்காகத் திரியும் அதிகாரிக்குப் ³பலம் யாது?’ எனின், ஐம்பொறிகளையும் அடக்கல் முதலாகக் கைங்கரிய சித்தி முடிவாக இருக்கும் இத்தனையும் உபாய பலம் என்பதனை அருளிச்செய்தார். உபாசகர்கள் இறைவனைப் பற்றுவதற்கு இழியும்போது ஐம்பொறிகளையும் அடக்கினவர்களாய்க்கொண்டு இழிதல் வேண்டும்; இந்தப்பிரபத்தி அதிகாரிக்கு ஐம்பொறிகளை அடக்குதலும் இவ்வுபாயத்தின் பலமாம்; ‘யாங்ஙனம்?’ எனில், ⁴‘என்னைத் தீமனங் கெடுத்தாய்’ என்றும், ⁵‘மருவித் தொழும் மனமே தந்தாய்’ என்றும் இவர் தாமே அருளிச்செய்தார் ஆதலின், ஐம்பொறிகளை அடக்குதலும் அவன் திருவருளாலேயாம் என்க.

    ‘ஐம்பொறிகளையும் அடக்கினவன் ஆனவாறே பகவானுடைய அநுபவத்துக்கு உபகரணமான பக்தி முதலானவைகள் தமக்குத் தாமே உண்டாகின்றனவோ?’ என்னில், ⁶‘மயர்வற மதிநல மருளினன்’ என்று பக்தியின் நிலையினை அடைந்த ஞானத்தையும் தானே தந்தான் என்று அருளிச் செய்கையாலே, பக்தி முதலானவைகள் தோன்றுதலும் அவன் திருவருளாலே என்பதனை அருளிச் செய்தார். ‘ஆயின், தோன்றிய பக்திக்கு வர்த்தகர் யார்?’ என்னில், ⁷‘காதல் கடல் புரைய விளைவித்த காரமர் மேனி நங்கண்ணன்’

1. திருவாய். 9. 10 : 5.

2. திருவாய். 9. 4 : 9. காலக்ஷேபம் - பொழுது போக்கல்.

3. மேலே பலத்தின் தன்மையை அருளிச்செய்திருந்தும், ஈண்டும் ‘அதிகாரிக்குப்
  பலம் யாது எனின்’ என்று அருளிச்செய்கிறார், அங்குக் கூறியது
  உபாசகர்கட்கு என்றும், இங்கு அருளிச்செய்வது பிரபந்நர்கட்கு என்றும்
  வேறுபாடு தெரிவிப்பதற்காக.

4. திருவாய். 2. 7 : 8.

5. திருவாய். 2. 7 : 7.

6. திருவாய். 1. 1. 1.

7. திருவாய். 5. 3 : 4.