ளோடு கூடியிருக்கின்ற தேவர்களாலும் விடப்பட்டவனாய் மூன்று உலகங்களிலும் நன்றாகத் திரிந்து பின் அந்தப் பெருமாளையே புகலிடமாக அடைந்தான்,’ என்பது ஸ்ரீராமாயணம். ¹‘பெற்றார் பெற்றொழிந்தார் பின்னும் நின்று அடியேனுக்கு உற்றனாய் வளர்த்து என்னுயிராகி நின்றானை’ என்றார் திருமங்கை மன்னன். ஆக, இப்படி, எல்லா நிலைகளிலும் நம்பத்தகுந்தவன் சர்வேசுவரனே என்பதனைத் தெரிவித்தபடி. ‘இதனை எங்கே கண்டோம்?’ என்னில், ஞாலம் படைத்தவனை - தனக்கு, தானும் இன்றிக்கே பிறரும் இன்றிக்கே அறிவு இல் பொருளைப் போன்று கிடக்கிற நிலையிலே பேற்றிக்கு உபயோகமான சரீரத்தை உண்டாக்கினவனை. ‘அது யாருக்குப் பிரியமாக?’ என்னில், திருமார்பனை - அவளுக்குப் பிரியமாக. ²‘பிராட்டியினுடைய முகத்தை நோக்கிக்கொண்டு அந்த முகத்தின் குறிப்புகளைப் பின் சென்றவனாய்ப் படைத்தல் முதலான காரியங்களைச் செய்கிறான்,’ என்னக்கடவதன்றோ?

    உம்பர் உலகினில் யார்க்கும் உண்ர்வு அறியான்தன்னை - மேல் உலகங்களில் எத்தனையேனும் அதிசயிக்கத்தக்க ஞானத்தை
_____________________________________________________

  பிரியம்’ என்று நினைத்து. ஸ மஹர்ஷிபி: - அவர்கள் விட்டாலும் விடாத
  ஆந்ருஸம்ஸ்யப் பிரதானரான ருஷிகளும் விட்டார்கள்.
  ஆந்ருஸம்ஸ்யத்துக்கு விஷய வியவஸ்தை உண்டிறே. பெற்றவர்கள்
  கைவிட்டால் நாட்டார்க்குப் பணியன்றிறே காக்கை நோக்குகை;
  ஆகையாலே, த்ரீந்லோகாந் ஸம் பரிக்ரம்ய - லோகங்களில் திறந்து கிடந்த
  வாசல் எல்லாம் ஒரு கால் நுழைந்தாற்போலே ஒன்பதின்கால்
  நுழைந்தானாயிற்று; ‘ஒரு கால் அல்லா ஒரு காலாகிலும் கிருபை
  பிறக்கக்கூடுமோ?’ என்று; இவன் புகப்புகத் தள்ளிக் கதவை அடைத்தார்கள்.
  தமேவ சரணம் கத: - தன் மேலே பிரஹ்மாஸ்திரத்தைத் தொடுத்துக்கொண்டு
  நிற்கிறவர் திருவடிகளிலே வந்து விழுந்தானாயிற்று. அதாவது,
  ‘அரிசினத்தால் ஈன்ற தாய் அகற்றிடினும் மற்றவள்தன் அருள் நினைந்தே
  அழுங்குழவி’ (பெருமாள் திருமொழி) என்கிறபடியே; அவன் திருவடிகளை
  ஒழியப் புகல் இல்லாமை.

1. ‘பெற்றார் பெற்றொழிந்தார்’ என்ற பாசுரப்பகுதிக்கு வியாக்கியாதா
  அருளிச்செய்த கருத்துப் பொருள் வருமாறு: மஹாவியாதியாளனானவன்,
  ‘எனக்கு இன்ன போது இன்ன வியாதி வந்து நலியும்; அப்போது நான்
  என்னை அறியேன்; பிரானே! அப்போது ரக்ஷிக்கவேணும்,’ என்று ஸ்வஸ்த
  தசையிலே அறிவித்து வைத்தால் அவர்கள் உணர்ந்திருந்து நோக்குமா
  போலே, தான் தனக்கு உதவாத தசையிலும் ஈசுவரன் ரக்ஷிக்கும்படி. இது,
  பெரிய திருமொழி, 8. 9 : 7.

2. ஸ்ரீஸ்தவம், 1.