பது? நிரூபித்தால் ¹கவி பாட்டு இட்டிறையாய் அன்றோ இருப்பது? என்றது, ‘கவி கேட்பித்தற்குத் துணையாய் உள்ளவர்களையும் கூட்டிக் கேட்பித்துப் பெறுமதுவும், கவி பாடின நாள்களில் பிழைப்பதற்குப் பணையம் வைத்த பொருள்களை மீட்கவும் போராதபடி அன்றோ இருப்பது?’ என்றபடி. புலவீர்காள் - உங்கள் விசேடமான அறிவிற்குப் போருமோ இது? ‘பாடின கவியின் நேர்மை இது, பேறு இது, இதற்கு இது போரும், போராது’ என்று நீங்களே அறிய வேண்டாவோ?’ என்கிறார். இனி, ‘புலவீர்காள்’ என்பதற்குச் ‘சொற்பொருள்களின் வாசி அறியுமவர்களே!’ என்னுதல்.

    மன்னா மனிசரை - சிறிது உண்டாய் அற்பமாகிலும் நீங்கள் பெறுவது, நீங்கள் செல்லுமளவும் அவர்கள் தாம் இருக்கில் அன்றே? ²‘அவரே மாண்டார்’ என்று எதிரே வருவரே! பாடிப் படைக்கும் பெரும்பொருள் - ‘இந்தத் திருமகள் கேள்வன் குறைவு அறக் கொடானோ?’ என்று பழிக்கிறார். மின் ஆர் மணி முடி விண்ணவர் தாதையைப் பாடினால் - நித்தியசூரிகளுக்கு நிர்வாஹகனானவனைக் கவி பாடினால். ³‘பாடிக்கொண்டேயிருக்கின்றார்கள்’ என்கிறபடியே, கவி பாடி முடி சூடி இருக்கின்றவர்கள் அன்றோ? ஆதலின், ‘ஒளி மிக்க மணிகளையுடைய முடியுடை வானவர்’ என்பார், ‘மின்னார் மணிமுடி விண்ணவர்’ என்கிறார். இதனால், ‘சென்று காணும் திரள் கவி பாடி முடி பெற்றவர்கள்’ என்றதனைத் தெரிவித்தபடி. ⁴‘கேட்டு ஆரார் வானவர்கள்’ என்கிறபடியே, கவி பாடிச் சென்றவர்களுக்கு ஓலக்கம் கொடுத்துக் கொண்டாடிக் கேட்பிப்பாரும் அவர்கள் என்பார், ‘விண்ணவர் தாதை’ என்கிறார். ‘பாடுதலே பிரயோஜனம்

____________________________________________________

1. ‘கவிபாட்டு இட்டிறையாய் அன்றோ இருப்பது?’ என்றது, ‘கவி பாடினதற்கு
  எதிர்ப்பை இடவேண்டும்படியாய் இருப்பது’ என்றபடி. இட்டிறை -
  ‘எதிர்ப்பை இடுகை’ என்பர் அரும்பதவுரைகாரர். இட்டிறை -
  பாடியிட்டதற்காகப் பின்னும் இறுக்க வேண்டுவது. இறுத்தல் - கொடுத்தல்.

2. ‘அரசாகிமுன் ஆண்டவரே
  மாண்டார் என்று வந்தார்அந் தோ!மனை வாழ்க்கைதன்னை
  வேண்டேன் நின்னடைந் தேன்திரு விண்ணகர் மேயவனே!’

  என்பது, பெரிய திருமொழிப்பாசுரம், 6. 2 : 5.

3. இருக்கு வேதம்

4. திருவாய். 10. 6 : 11.