இட்ட தனி மாலை ஈது,’ என்னும். ¹அது அல்லாததனை அதுவாக நினைத்து மயங்குகின்றவள் அதனையே கண்டால் விடாளே அன்றோ? ‘சுடர்முடிமேலும் தாளிணை மேலும் புனைந்த தண் அம் துழாய்’ என்கிறபடியே, அவன் தலைமேல் கொண்டு அடியார்க்குக் கொடுக்குமது அன்றோ அதுதான்? என்றது. ‘ஸ்ரீசடகோபனுக்குச் சார்த்துகை’ என்றபடி. தேறியும் தேறாதும் - ‘துழாய் மலர் காணில்’ என்றதனை நோக்கித் ‘தேறியும்’ என்கிறாள்; நீறு செவ்வே இடக்காணில்’ என்றதனை நோக்கித் ‘தேறாதும்’ என்கிறாள். அன்றிக்கே, ³‘கோவை வாயாள்’ என்ற திருவாய்மொழியை நோக்கித் ‘தேறியும்’ என்கிறாள்; இத்திருவாய்மொழியை நோக்கித் ‘தேறாதும்’ என்கிறாள் என்னுதல்.

    மாயோன் திறத்தனளே இத்திருவே - மாயோன் ⁴இடையாட்டத்திலாள் இத்திரு. பிறந்த ஞானம் கலக்கத்துக்குக் காரணமாம்படி செய்ய வல்ல ஆச்சரியத்தையுடையவன் என்பாள், ‘மாயோன்’ என்கிறாள். ‘அநபாயிநியான

_____________________________________________________

1. ‘அதுவல்லாததனை அதுவாக நினைத்து’ என்றது, ‘பகவானுடைய
  சம்பந்தமுடையது அல்லாததனைப் பகவானுடைய சம்பந்தமுடையதாகக்
  கொண்டு’ என்றபடி. திருத்துழாயினைச் சர்வேசுவரன் தலைமேல் கோடற்கு
  மேற்கோள், ‘சுடர்முடிமேலும்’ என்பது. இது, திருவாய்மொழி, 1. 9 : 7.

2. அடியார்களில் வைத்துக்கொண்டு ஆழ்வார் பிரதாநராகையாலே ‘நமக்கன்றி
  நல்கான்’ என்றதனைக் கடாக்ஷித்து, ‘என்றது’ என்று தொடங்கி
  அருளிச்செய்கிறார். சர்வேசுவரனுக்கு ஆழ்வார் திருவடிகளேயன்றோ?

3. ‘கோவை வாயாள்’ என்ற திருவாய்மொழி, ஞானத்தின் காரியம்;
  இத்திருவாய்மொழி, மயக்கத்தின் காரியம். 

4. ‘இடையாட்டத்திலாள்’ என்றது, ‘அவன் விஷயத்திலே ஈடுபட்டிருக்குமவள்’
  என்றபடி.