அணியும் வகுத்து, படை பொருத்தி, ¹சாரதியாய் நின்று, குதிரைகள் இளைத்தவிடத்து வாருணாஸ்திரங்கள் விடலாமிடங்கள் காட்டி விடுவித்து, அங்கே குதிரைகளை விட்டு நீரூட்டிப் பூட்டி வென்றான்,’ என்னுமிடம். அருச்சுனன் மேலேயாக வேண்டும் செயல்கள் முழுதும் தானே செய்தானே அன்றோ? துரியோதனன் முதலியோர்களையும் இவளையும் தோற்பித்தவதிலும் அரிதுகாணும் பாண்டவர்களை வெல்வித்தது; ஆதலின், ‘ஐவரை வெல்வித்த’ என்கிறது.

    ‘என்றது, என் சொல்லியவாறோ?’ எனின், ‘துரியோதனன் முதலியோர்கள் செருக்குக் கொண்டவர்கள் ஆகையாலே தோற்பிக்கை அரிது; ²இவளைப் பெண்மைக்குரிய அபிமானத்தாலே தோற்பிக்கை அரிது; அப்படியே, ³‘ஏ கிருஷ்ண! வெற்றியையாவது இராச்சியத்தையாவது நாங்கள் விரும்பவில்லை; இராச்சியத்தினாலே என்ன பயன்? போகங்களினால் என்ன பயன்? உயிர் வாழ்ந்திருப்பதனால் என்ன பயன்?’ என்ற பாண்டவர்களை வெல்வித்தலும் அரிது என்றபடி. மாயம் போர் - ஆச்சரியமான போர்; அன்றிக்கே, ‘வஞ்சனையுடைய போர்’ என்னுதல். ⁴பகலை இரவாக்குவது, ‘ஆயுதம் எடேன்’ என்று ஆயுதம் எடுப்பது ஆனவை இத்தலையிலும் உண்டு; மஹாரதர் பலர் கூடி ஒருவனான அபிமன்யுவைக் கொன்றது தொடக்கமானது அத்தலையிலும் உண்டு; இவற்றைச் சொன்னபடி.

    தேர்ப்பாகனார்க்கு - அருச்சுனனைப் பகைவர்கள் சீறினால் அழியச்செய்வது தன்னையாம்படி, ⁵உடம்புக்கு ஈடு இடாதே வெறுங்கையோடே தேர்த்தட்டிலே முன்னே

_____________________________________________________

1. கையும் அணியும் வகுத்து - வியூக விபாகம் செய்து.

2. ‘இவளைப் பெண்மைக்குரிய அபிமானத்தாலே தோற்பிக்கை அரிது,’ என்றது,
  ‘சிந்தை துழாஅய்த் திசைக்கின்றதே’ என்றதனால் இவள் தோல்வியும்
  சித்தமேயன்றோ?

3. ஸ்ரீ கீதை. 1 : 32.

4. இவற்றை வில்லிபாரதம் மூன்றாம் போர், பதின்மூன்றாம் போர்,
  பதினான்காம் போர்ச்சருக்கங்களால் உணரலாகும். இத்தலை - பாண்டவர்கள்
  பக்கலில்.

5. உடம்புக்கு ஈடு இடாதே - உடம்புக்குச் சட்டை இடாதே. ஈடு - சட்டை.