செய்வேனும் யானே என்னும் - ¹கிரியைகளின் கர்த்தாக்களை இடுவித்து அவற்றைச் செய்விக்கின்றவனும் யானே என்னும். அன்றிக்கே, அவர்கள் இவற்றைக்கொண்டு என்னை அடையும்படி செய்வேனும் யானே என்னும் என்னுதல். செய்ய கமலக்கண்ணன் ஏறக்கொலோ - கரிய கண்ணையுடையவளான தன்மை நீங்கி, புண்டரீகாக்ஷன் படியாய் விட்டது. என்றது, மையக்கண்ணாளான தன்மை போய், ²செய்யகோலத் தடங்கண்ணன்படியாய் விட்டது என்றபடி. செய்ய உலகத்தீர்க்கு இவை என்சொல்லுகேன் - சொல்ல முடியும், முடியாது என்று அறியாதே, சொல்லு, சொல்லு என்று என்னை அலைக்கிற ³படுபாடரான உங்களுக்கு நான் எதனைச் சொல்லுவது? செய்ய கனிவாய் இளமான் திறத்தே-⁴அநுகாரத்தாலே புணர்ச்சி சமயத்திற் போலே இருக்கிற இவள், உதடு செவ்விபெற்று வரும்படி வேறுபட்டவளாய், மிக இளையளாய் இருக்கிறபடி நான் எதனைச் சொல்லுவது. ⁵பிரிவில் வெளுத்திருக்கை தக்கதாக இருக்க, இவள் உதடு செவ்விபெற்று வருகின்றதே அன்றோ அநுகாரத்தால் வந்த தரிப்பாலே. சிவந்த கனி போலே இருக்கிற உதட்டினையுடையளாய், இளையமான் போலே பேதையான இவள் இடையாட்டத்தே.

(4)

_____________________________________________________

1. “செய்வார்களைச் செய்வேணும்” என்பதற்கு, இரண்டு வகையாகப் பொருள்
   அருளிச்செய்கிறார். முதற்பொருள், செய்வார்களை - விரும்பப்படுகின்ற
   சுவர்க்கம் முதலான பல சாதன கர்த்தாக்களை, செய்வேனும் - வேறு
   தேவர்களைப் பற்றும்படி செய்வேனும் என்பது. இதனை, அருளிச்செய்கிறார்
   ‘கிரியைகளின்’ என்று தொடங்கி. செய்வார்களை-மோக்ஷத்திற்குச் சாதனமான
   யஜ்ஞம் முதலான கர்மங்களைச் செய்கிறவர்களை, செய்வேனும்-என்னை
   அடையச் செய்வேனும் என்பது இரண்டாவது பொருள். இதனை,
   அருளிச்செய்கிறார் ‘அன்றிக்கே’ என்று தொடங்கி.

2. ‘செய்ய கோலத் தடங்கண்ணன் படியாய்விட்டது’ என்றது, செந்தாமரைக்
   கண்ணணுக்கே அன்றோ இச்செயல்கள் எல்லாம் உள்ளது என்றபடி.

3. படுபாடர் - எங்ஙனமாயினும் விஷயத்தைத் தெரிந்துகோடல் வேண்டும்
  என்ற எண்ணமுள்ளவர்கள்.

4. அநுகாரம் - சொல் அநுகாரம்.

5. அநுகாரத்தாலே என்று கூறுதல் ஏன்? இயற்கையிலே சிவந்திருத்தல்
  ஒண்ணாதோ? என்ன, அதற்கு விடை அருளிச்செய்கிறார் ‘பிரிவில்’ என்று
  தொடங்கி.