மாயிற்று. நன்றி புனைந்து ஓர் ஆயிரம் - ¹சர்வேஸ்வரனுடைய பரத்துவ சௌலப்பியங்களை வகையிட்டுத் தொடுத்த ஆயிரம் ²நன்மையாவது, சம்சாரி சேதனுக்கு, இவனே சர்வஸ்மாத்பரன் என்றும், சர்வ சுலபன் என்றும், சர்வ சமாஸ்ரயணீயன் என்றும் சொல்லுகை அன்றோ? ³அவையே அன்றோ முதல் திருவாய்மொழி தொடங்கி அருளிச்செய்தது? அன்றிக்கே, ⁴‘எம்பெருமானுடைய வெற்றிச் செயல்களைத் தொடுத்துச் சொன்ன இப்பத்தும்’ என்னுதல். மேவிக் கற்பார்க்கு வென்றி தரும் - ஆசையோடு கற்பார் யாவர் சிலர், அவர்களுக்கு வெற்றியைப் பண்ணிக் கொடுக்கும். ⁵செல்வத்தை விரும்புகிறவனுக்குச் செல்வத்திற்குத் தடையாகவுள்ளனவற்றை வென்று கொடுக்கும்; கேவலனுக்கு விரோதியைப் போக்கிக் கொடுக்கும்; பகவானைச் சரணம் அடைந்தவர்களில் உபாசகனுக்கு

_______________________________________________________________________

1. ‘நன்றி புனைந்த’ என்றதன் பொருள், ‘சர்வேஸ்வரனுடைய’ என்று தொடங்கும்
  வாக்கியம்.

2. ‘‘நன்றி’ என்பது, பரத்துவம் முதலானவைகளைக் காட்டுமோ?’ என்ன, ‘நன்மையாவது’
  என்று தொடங்கி அதற்கு விடை அருளிச்செய்கிறார். சர்வ சமாஸ்ரயணீயன்-எல்லா
  ஆத்துமாக்களாலும் அடையப்படுகிறவன்.

3. ‘அப்படிச் சொல்லிற்றோ?’ என்ன, ‘அவையே அன்றோ’ என்று தொடங்கி அதற்கு
  விடை அருளிச்செய்கிறார்.

4. ‘நன்று’ என்பதனை, ‘ஆயிரத்து’க்கு அடைமொழியாக்கிப் பொருள்
  அருளிச்செய்தார்மேல். ‘பத்து’க்கு அடைமொழியாக்கிப் பொருள் அருளிச்செய்கிறார்
  ‘எம்பெருமானுடைய’ என்று தொடங்கி. நன்றி - நன்மையும் வெற்றியும்.

5. ‘வென்றி தரும்’ என்று பொதுவாக இருப்பதனால், எல்லாப் பலன்களையும்
  கொடுக்கும் என்கிறார், ‘செல்வத்தை’ என்று தொடங்கி.

      ‘இது தான் ‘குலந்தரும்’ என்கிறபடியே எல்லா அபேக்ஷிதங்களையும்
  கொடுக்கும்’; ‘ஐஸ்வர்ய கைவல்ய பகவல்லாபங்களை ஆசைப்பட்டவர்களுக்கு
  அவற்றைக்கொடுக்கும்’; ‘கர்ம ஞான பத்திகளிலே இழிந்தவர்களுக்கு
  விரோதியைப் போக்கி அவற்றைத் தலைக்கட்டிக் கொடுக்கும்’; ‘பிரபத்தியிலே
  இழிந்தவர்களுக்கு ஸ்வரூப ஞானத்தைப் பிறப்பித்துக் காலக்ஷேபத்துக்கும்
  போகத்துக்கும் ஹேதுவாயிருக்கும்’ என்ற வாக்கியங்கள் இங்கு அநுசந்தேயங்கள்.
  (முமுக்ஷூப்படி. திருமந்திரம். சூ. 18-21.)