சூசையின் கடவுள் வாழ்த்து

     - விளம், - மா, - விளம், - மா, - விளம், - விளம், - மா
 

34

அறக்கட னீயே யருட்கட னீயே யருங்கரு ணாகர னீயே திறக்கட னீயே திருக்கட னீயே திருந்துள மொளிபட ஞான நிறக்கட னீயே நிகர்கடந் துலகி னிலையுநீ யுயிருநீ                                     நிலைநான் பெறக்கட னீயே தாயுநீ யெனக்குப் பிதாவுநீ யனைத்துநீ                                     யன்றோ.

"அறக் கடல் நீயே; அருள் கடல் நீயே; அருங் கருணாகரன்                                         நீயே; திறக் கடல் நீயே; திருக் கடல் நீயே; திருந்து உளம் ஒளிபட                                         ஞான நிறக் கடல் நீயே; நிகர் கடந்து, உலகின் நிலையும் நீ; உயிரும்                                         நீ; நிலை நான் பெறக் கடல் நீயே; தாயும் நீ எனக்கு; பிதாவும் நீ அனைத்தும்                                         நீ அன்றோ?"

     "அறத்தின் கடலாய் இருப்பவனும் நீயே; அருளின் கடலாய்
இருப்பவனும் நீயே; அரிய கருணைக்கு இருப்பிடமானவனும் நீயே;
வல்லமையின் கடலாய் இருப்பவனும் நீயே; செல்வக் கடலாய் இருப்பவனும்
நீயே; திருந்திய மக்களின் உள்ளம் ஒளி பெறுமாறு ஞான அழகின் கடலாய்
இருப்பவனும் நீயே; ஒப்புமையெல்லாம் கடந்து நின்று, இவ்வுலகின்
நிலைக்களனாய் இருப்பவனும் நீயே; அதன் உயிராய் இருப்பவனும் நீயே;
நான் நிலைபெறக் கடல்போல் நின்று தாங்குபவனும் நீ எனக்குத் தாயாய்
இருப்பவனும் நீ; தந்தையாய் இருப்பவனும் நீயே; அனைத்தும் நீயே
அல்லவா?"

     கருணாகரன் - கருணை + ஆகரன் = கருணைக்கு இருப்பிடமானவன்.
 

35

கார்த்திரள் மறையாக் கடலினுண் மூழ்காக் கடையிலா                   தொளிர்பரஞ் சுடரே நீர்த்திரள் சுருட்டி மாறலை யின்றி நிலைபெறுஞ்                   செல்வநற் கடலே போர்த்திரள் பொருதக் கதுவிடா வரணே பூவனந்                   தாங்கிய பொறையே சூர்த்திரள் பயக்கு நோய்த்திரள் துடைத்துத்                   துகட்டுடைத் துயிர்தரு மமுதே.