[வடமொழியுள் உயிர் 16, மெய் 35 ஆக எழுத்துக்கள் 51 என்பதே பிரயோகவிவேக நூலார் கருத்தாகும். த்ர, ஞ்ய என்பவற்றைச் சேர்த்து ஐம்பது மூன்று என்பார் நன்னூலார். அவர் மதத்தைப் பின்பற்றியவர் இவ்வாசிரியர். தமிழில் முதலெழுத்து முப்பது என்பதனுள் கருத்துவேறுபாடின்று.]

சார்பெழுத்து மூன்று, பத்து, இது ஒருபாடை நூல் மாறுபாடு.

[வி-ரை: சார்பெழுத்து மூன்று என்னும் தொல்காப்பியம். பத்து என்னும் நன்னூல் முதலியன.]

நெடில் தொடர்க்குற்றுகரம் எழுத்தினுள்ஈரலகு; யாப்பினுள் ஓர் அலகு.

‘பால்போலும் மொழி’ சொல்லினுள் விரி: அணியினுள் தொகை.

‘துப்பின் எவனாவர் மன்கொல் துயர்வரவு
நட்பினுள் ஆற்று பவர்’                                         - குறள் 1165

‘கடல்ஓடா கால்வல் நெடுந்தேர் கடல்ஓடும்
நாவாயும் ஓடா நிலத்து’                                         - குறள் 496

இவை சொல்லினுள் வெளிப்படை; முறையே அகப்பொருளினும் புறப்பொருளினும் குறிப்பு.

இவை ஒரு நூலுள் ஐந்தும் மாறுபாடு. ஒன்றே என்றதனால் ஒழித்தல் எளிது என்க.

[வி-ரை: கடல்போலப் பரப்புடைய ஓரிலக்கண நூலுள் கூறப்பட்டுள்ள எழுத்து சொல் பொருள் யாப்பு அணி என்ற ஐம்பகுப்புக்களில் ஒரு பகுப்பில் கூறப்பட்ட செய்தி பிறிது ஒரு பகுப்பில் விலக்கப்படுதலும் உண்டு.