| | வேற்றுமையில் - நூற்பா எண். 6 | 127 |
கடையைக் காப்பான், இடையைக் காப்பான். தலையைக் காப்பான் - கடை இடை தலை என்பன உருபு ஏற்ற இடப்பெயர். முன் பிறந்தான் - முன்கண் பிறந்தான். பின் பிறந்தான் - பின்கண் பிறந்தான். தலைச்சென்றான் - தலைக்கண் சென்றான். தலைமழை - தலைக்கண் மழை. கடைகாப்பான் - கடையைக் காப்பான். வலம்இரார் - வலத்தின்கண் இரார். மேலிருந்தான் - மேற்கண் இருந்தான். கீழிருந்தான் - கீழ்க்கண் இருந்தான். இவையாவும் உருபு தொக்க பெயராய் உள்ளன. தலைக்கண் சென்றான் - தலை இடப்பொருட்டு; கண் உருபு. இடைக்கண் முரிந்தார் (கு-423) - இடை இடப்பொருட்டு; கண் உருபு. கடைக்கால் நின்றான் - கடை இடப்பொருளது; கால்உருபு. மருங்கில் இருந்தான் - மருங்கு இடப்பொருளது; இல்உருபு. [வி-ரை: இறுதி எடுத்துக்காட்டுக்களில் முதலில் வரும் ஏழன்உருபு பெயராகவும், அடுத்துவரும் ஏழன்உருபே உருபாகவும் வருதல் காணப்படும்]. உள்ளூர் மரம், கிணறு, தொழில், பிழைப்பு; கீழ்நீர், மீன், முதலை, ஆமை; மீகண், விழி, ஒளி, பாவை. [வி-ரை: இவற்றுள் ஊருள் என்பது உள்ளூர் எனவும், நீர்க்கீழ் என்பது கீழ்நீர் எனவும், கண்மீ என்பது மீகண் எனவும் பின்னர் வரவேண்டிய உருபு சொல்லுக்கு முன்னே வந்தவாறு. இவையாயும் ஏழன்உருபுகளுக்குரிய சிறப்புச் செய்திகள். |