நீக்கத்தின்கண் உருபு பல வருதல் | 48 | +இரண்டுநான்கு ஐந்தொடும் எழுமே நீக்கம்.
|
எ-டு: மதுரையை நீக்கினான் - இரண்டாவது; மதுரைக்கு வடக்கு சிதம்பரம் - நான்காவது; மதுரையின் வடக்கு சிதம்பரம் - ஐந்தாவது; -என வரும். [வி-ரை: மதுரையின் நீங்கினான், மதுரையின் வடக்கு என இரண்டாவதும் நான்காவதும் ஐந்தாவது ஆதல் கொண்டு ஐந்தாவதன் பொருட்கண் ஏனைய இரு வேற்றுமையும் வருமாறு உணரப்படும்.] 36 குறையின்கண் பல உருபு வருதல் | 49 | *நான்குஐந்து ஆறுஏ ழொடுகுறை நடக்கும். |
எ-டு: சாத்தனுக்கு மகன் - நான்காவது; மரத்தின் நீங்கின கொம்பு - ஐந்தாவது; சாத்தனது கை - ஆறாவது; உயிரின்கண் உணர்வு - ஏழாவது; -என முறையே வரும். [வி-ரை: சாத்தனுடைய மகன், மரத்தினது நீங்கின கொம்பு, உயிரினது உணர்வு என ஆறாவது விரித்துநோக்கி ஆறாவதன் பொருட்கண் ஏனைய நான்கு ஐந்து ஏழு ஆம் வேற்றுமைகள வருமாறு காண்க.] 37
+ நன்னூல்317. முனிவர் உரை. * நன்னூல்317. முனிவர் உரை. |