இவ்வுரையது பெருமைக்கு ஒப்பில்லை                                        - உரை.

இச்சொற்கண் இருக்கும் இப்பொருள்                                         - சொல்.

களி ! வாராய்                                                             - களி.

மடி ! போவாய்                                                            - மடி.

இவ்வாறு முதல்நிலைத் தனிவினை எட்டு உருபு ஏற்றே எண் பொருளானது காண்க.

விடு, ஏ, வை, வௌ, உண், தின், பார், கேள்

இவற்றுள் முதல்நிலைத் தனிவினை செயப்படுபொருள் குன்றாமை காண்க.

நட, வா, போ, வாழ் - இவற்றை முதல்நிலைத் தனிவினை செயப்படுபொருள் குன்றுதல் காண்க.

முடி, மடி, கெடு, தேய், தபு, பிரி-இவற்றுள் பொதுக்காண்க.

[வி-ரை: நீ முடி, நீ மடி, நீ கெடு, நீ தேய், நீ தபு, நீ பிரி எனச் செயப்படுபொருள் குன்றி வருதலும், துணியை முடி, துணியை மடி, பொருளைக் கெடு, பொன்னைத் தேய், அவனைத் தபு, நண்பனைப் பிரி எனச் செயப்படுபொருள் குன்றாமையும் இம்முதல் - நிலை ஒவ்வொன்றும் பெறுதலின், இவை செயப்படுபொருள் குன்றுதலும் குன்றாமையுமாகிய பொதுநிலை உடையன.]

உரிஞ், செல் - இவற்றுள் இடம் குன்றாமை காண்க.

[வி-ரை: இவை ஒருமை ஏவல் வினையதலின் முன்னிலை யாயின.]