எ-டு: ஆடுதல், ஆடல், சொல்லு, அருளு, வாரு, செய்து, செய்பு - இவைபோல்வன எல்லாம் (தல்-அல் உ-து-பு முதலிய) விகுதி பொருந்தின.

உண்டான் - தின்றான் போல்வன விகுதியும் இடை நிலையும் பொருந்தின.

உண்டனன் - உண்கின்றனன் போல்வன விகுதியும் இடை நிலையும் சாரியையும் பொருந்தின.

நடக்கின்றனன் - விடுக்கின்றனன் போல்வன விகுதியும் இடைநிலையும் சாரியையும் சந்தியும் பொருந்தின.

நடந்தனன் - முடிந்தனன் போல்வன ஐந்தும் பொருந்தின.

‘வேண்டும்’ என்றதனால், நடந்து (நட + ந் + த் + உ)

போனான் (போ + (இ)ன் + ஆன்) என முறையின்றியும் பொருந்தும்.

[வி-ரை:

ஆடுதல் - ஆடு + தல்; ஆடல் - ஆடு + அல்; அருளு - அருள் + உ;

வாரு - வார் + உ; செய்து - செய் + து; செய்பு - செய் + பு;

உண்டான் - உண் + ட் + ஆன்;

தின்றான் - தின் + ற் + ஆன்;

உண்டனன் - உண் + ட் + அன் + அன்;

உண்கின்றனன் - உண் + கின்று + அன் + அன்;

நடக்கின்றனன் - நட + க் + கின்று + அன் + அன்;