:: TVU ::

	இனவியல்
	59-பாட்டு. (பத்துப்பாட்டு.)
353	நூறடிச் சிறுமை நூற்றுப்பத் தளவே ¹யேறிய வடியி னீரைம் பாட்டுத் தொகுப்பது பத்துப் பாட்டெனப் படுமே.	(182)

354	அதுவே: அகவலின் வருமென வறைகுநர் புலவர்.	(183)

	60-கடைநிலை.
355	கடைநிலை யென்பது காணுங் காலைப் பரிசி லுழப்புங் குரிசிலை முனிந்தோர் கடையகத் தியம்புங் காட்சித் தென்ப.	(184)

356	பரிசினீட் டித்த லஞ்சி வெறுத்தோர் கடைநின் றுரைப்பது கடைநிலை யென்ப.²	(185)

	[கடையெனினும் அங்கதமெனினும் ஒக்கும்.]

	61-கையறுநிலை.
357	வலங்கெழு வேந்தர் ³வான்புகக் கவிஞர் கலங்கித் தொடுப்பது கையறு நிலையே.	(186)

358	வெற்றி வேந்தன் விண்ணக மடைந்தபின் கற்றோ ருரைப்பது கையறு நிலையே.	(187)

359	⁴கலியொ டுவஞ்சியிற் கையற வுரையார்.	(188)

360	⁵சொற்றன வல்ல வேறுபிற தோன்றினு மத்தகு ⁶மரபி னடக்கினர் கொளலே.	(189)

	இனவியல் முற்றும்.
	பன்னிருபாட்டியல் முற்றிற்று.

[பி-ம்.] ¹ யொன்றிய. ² இதற்குப் பின் சேர்த்துக் கொள்ளும்படி,

‘கடைநிலை யெனினும் வசைப்பாட் டெனினும்
அங்கத மெனினு மொருபொருண் மேற்றே’.

(161)

என ஒரு சூத்திரம் தனியே எழுதப்பட்டுள்ளது. [ச-பி.] ³ வாழ்வுகக். ⁴ கலியே. ⁵ மற்றவை வல்ல வினம்பெரி தொன்றினு. ⁶ பாவி னடங்கின வென்ப.