யானைநிரை கடலணை போன்றமை

     (பொ-நி.)  ஒருமுறை   சயதரன்   வில்    குனிதலின்,   கவிகுலம்
கடலிடைச்சொரி,  பெருங்கிரி  என, இதில்  கரிகளின்  பிணம்  காண்மின் !
(எ-று.)

     (வி-ம்.)  புவி - உலகு.  புரந்து - காத்து:  வினையெச்சம்.  சயதரன்
-குலோத்துங்கன் (ஆகிய திருமால்)  ஒரு  முறை இராமனாய்ப் பிறந்தகாலை.
புணரி -கடல். பட-உண்டாக. பொருவு இல் - ஒப்பற்ற. குனிதல் - வளைதல்.
இராமன் வில்வளைத்துக் கணைதொடுத்த பின்பே வருணன்  பணிந்தமையின்
இங்ஙனம் கூறப்பட்டது, கவி-குரங்கு, கிரி-மலை, கரி-யானை.
                                                           (23)

வில் திறன் கண்டு வியந்த வீரர் நிலை

     (பொ-நி.)  அம்பு,  உருவி  உருவி,  வீழ்  செருநர், "ஒருவன் வில்
கற்றவா, வில்கற்றவா" என்று, தம் கை மறித்தவரையும்  காண்மின் ! (எ-று.)

     (வி-ம்.) உற்ற-அடைந்த.  வாய்-தம்உடலிடம்.  அம்பு-எதிரி விடுத்த
அம்பு.   பரிசை - கேடகம்.   கருவி - கவசம்.   செருநர்-வீரர்.  ஒருவன்:
கருணாகரன்.    கைமறித்தவரையும்     (இவன்     வீரர்களால்  எதிர்க்க
இயலாதவனென     அவன்     பெருமையை      வியந்து)     கையை
யசைத்தவர்களையும்.                                         (24)

கண்விழித்துக் கிடக்கும் வீரர் நிலை