வரலாறு :- படிக்காசுப் புலவர், இராமநாதபுரம் இரகுநாத சேதுபதியின்
சமஸ்தான வித்வானாகவிருந்து பின் தலயாத்திரையாகக் கொங்கு புகுந்தார்.
கவசை ஆறை நாட்டுள் (சர்க்கார் சாமக்குளம், கோயிற்பாளையம் யென்னும்)
*கவசை நகரிற் கல்வி கேள்விகளிலும் வள்ளன்மையிலுஞ் சிறந்த மசக்காளி
மன்றாடி என்பவன் புகழொடு வாழ்ந்தான். அவன் சமூகத்திற் றமிழ்ப்புலவர்
சபை ஒன்று கூடிற்று. அதில் வண்ணப்பாக்கள் சொல்வது என்ற வாதம்
நடந்தது. அதில் படிக்காசுப்புலவர் எடுத்துக் கொடுத்தபடி முடிக்கவில்லை
என்று அவர் கொண்டு வந்த பல்லக்கு முதலியவற்றை, முன்பேசித்
தொடங்கிய சொற்படி கொங்குப் புலவர் பற்றிக்கொண்டனர் படிக்காசுப்
புலவர் தனது ஆடை முதலியவற்றைச் சுமந்துகொண்டு,

எனமனது சற்று நொந்தவராய்ப் பின் சித்த சமாதானஞ் செய்து கொண்டு
மெல்லமெல்ல நடந்தனர். கவசையினடந்த கவி வாத சம்பந்தமான
பகைமையாற் கொங்குப்புலவர் வைத்த சூனிய வித்தைத் தீமையில்
வருந்தித் திருச் செங்கோட்டுக்கு வந்தனர். ஸ்ரீ அர்த்த நாரீசுரர் மீது
வருகைப் பதிகம் பாடித் தேக சுகமடைந்து உமைபாகப் பதிகம் பாடிப்
பின் சமீபத்துள்ள மோரூர்க்குச் சென்று பாம்பலங்காரர் மீது வருக்கக்
கோவை பாடி யரங்கேற்றிக் குமாரசாமிக் காங்கேயனாற் சன்மானமுற்று,

எனப் புகழ்ந்து சோழநாட்டை அடைந்தனர்.

     *கவசையம்மன் கோயில் கவுசிக நதியருகு உள்ள ஓரூர்.