தூண்டினர், அவ்வாறே செய்தனர். இதனை அறிந்த நாயனார் முருகன்
பூண்டி ஆலயத்தை யடைந்து திருப்பதிகம் பாடினர். பறித்த பொருளைக்
கொடுக்குமாறு சிவபெருமான் கட்டளையிட்ட படியே கோபுரவாயிலில்
கணநாதர்கள் குவித்தார்கள். ஒவ்வொரு தலங்களிலும் திருவிழாவில்
நடக்கும் வேடுபறி இந்த நிகழ்ச்சிதான் (இது ஆறை நாடு)

                      (மேற்)

                        அவிநாசி

     (க-ரை) பிள்ளையைக் கொண்டு வாவென்று சுந்தரமூர்த்தி பதிகம்
பாட விழுங்கிய பிள்ளையைக் குளக்கரையில் முதலை உமிழ்ந்த
அவிநாசியையுடையது கொங்கு மண்டலம் என்பதாம்.

     வரலாறு :- திருநாவலூரர் என்னுஞ் சுந்தரமூர்த்தி நாயனார்
அவிநாசிக்கு எழுந்தருளிய பொழுது ஒரு வீட்டில் மங்கலவொலியும்,
அடுத்த வீட்டில் அழுகுரலுங் கேட்டது. மூன்று ஆண்டின் முன் சில
சிறுவர்கள் குளக்கரைக்குச் சென்றார்கள். ஒரு சிறுவனை முதலை
விழுங்கிவிட்டது. அச்சிறுவனுடன் சென்ற