அகத்தீஸ்வரம் என்பது அதன் பெயர். அதனையடுத்து ஓர் சிறிய
மலையுமுள்ளது. காமதேனு வெள்ளியங்கிரி மலையிலிருந்து பேரூருக்கு
வரும்பொழுது வழியிலுள்ள சிவலிங்கங்களைத் தரிசனம் செய்து கொண்டு
வந்தது. அப்பொழுது அகத்தீசரையும் தரிசனம் செய்து கொண்டு வந்ததாகப்
பேரூர்ப் புராணம் கூறுகின்றது.

     "தங்கியவாகீசுவரர் அகத்தீசர் தக்கானீசுவரர் தீர.....................
தாலேசுவரரையும் தொழுது தாழ்ந்ததுவே" - பேரூர்ப்புராணம்
(காமதேனு வழிபடுபடலம் 70.) ஆதலால் அகத்தியர் பூசித்த சிவலிங்கம்
தொண்டாமுத்தூரையடுத்துள்ளதெனத் தெரிகிறது.

இவற்றால் கொங்கு நாட்டிலுள்ள தொண்டாம்புத்தூர் மலைமீது அகத்தியர்
தங்கியிருந்தாரென்பது துணிவாகின்றது.

        பிரமனைச் சிறைவிட்டது - திருவாவினன்குடி

        இடும்பன் கொணர்ந்த சிவகிரியில் முருகன்