மணிகொண்ட கோடொரு மருங்குண்மை யாற்பெண்மை
     வடிவென்று மஃதின்மையோர்
மருங்குண்மை யாலாண்மை வடிவென்று மீதுகீழ்
     மாறிய திருக்காட்சியால்
அணிகெண்ட உயிர்திணைய தென்று மஃறிணை யென்றும்
     யார்க்குங் கிளக்கவரிதாம்
ஐங்கரச் சிந்துரத் தின்கழற் செஞ்சரண
     மஞ்சலித்துத் துதிப்பாம்..................

                          (அமுதாம்பிகை பிள்ளைத்தமிழ்)

பாச மங்குசஞ் தேசுறு மெயிறொண்
கனியிவை தாங்கும் புனித நாற்கரத்
தங்கதங் கடகம் பொங்கிழை யார
நிறைமணிச் சுடிகைக் கறையணற் கட்செவி
கொண்ட திண்பெரும் பண்டிக் குறுந்தாட்
களிறுத னிருகழல் கருதா
வெளிறுறு துயரம் வீட்டினம் பெரிதே

                          (சங்கற்ப நிராகரணம்)

அறையு மாடரங் கும்மடப் பிள்ளைகள்
தறையிற் கீறிடிற் றச்சருங் காய்வரோ

                            (கம்பராமாயணம்)