| குரைபுனல் வரந்தி சுரர்தரு முருகவிழ் | | கொழுமலர் சிதறவி முத்தத் துவிண்டொடு | | குலகிரி யுதவிய வளரிள வனமுலை | | கொழுநர்த மழகிய கொற்றப் புயங்களே. |
நேசிசை வெண்பா 604. | புயலார் பொழிற்காசிப் பூங்கொயின் மேய | | கயலார் தடங்கணாள் காந்தன் - செயலாவி | | உய்யத் துதியா ருதிப்பார் துதிப்பாரேல் | | |
கட்டளைக் கலித்துறை 605. | மறைக்கோலங் கொண்ட வகிலேச ரேயின்று மாதர்முன்னே | | பிறைக்கோலங் கொண்டு புறப்பட்ட வாமுன் பிறைமுடித்த | | இறைக்கோல மோல மெனத்தேவ ரோல மிடவிருண்ட | | கறைக்கோலங் கொண்டு நும்கண்டத் தொளித்த கனல்விடமே. |
முட்டையென்று கருதி அணைத்தன. வரநதி - கங்கை. சுரர்தருவின் மலர். சிதறு அவிமுத்தத்து; அவிமுத்தம் - காசி; விட வேண்டிய காலத்தும் விடாமை யென்னும் பொருளினதென்பர்; முன்னொருகால் விசுவநாதர் திவோதானனென்பவன் பொருட்டுக் காசியை அகலும்படி நேர்ந்த காலத்தும் சூக்கும வடிவமாக விடாது வீற்றிருந்தனராதலின் இத்தலம் இப்பெயர் பெற்றது. வனமுலை - விசாலாட்சியம்மை.
604. தடங்கணாள் - விசாலாட்சியம்மை. காந்தன் - கணவர். அவர் செயலைத் தம் ஆவி உய்யும்படி துதியாதவர்கள் மீட்டும் பிறவி யெடுப்பார்; துதித்தாராயின் உலகத்தில் மீட்டுப் பிறவார்.
605. தலைவி கூற்று.
அகிலேசரே, தேவரீர் முன்பு அமுதுசெய்தருளிய விடம் இப்பொழுது பிறைவடிவங் கொண்டு தோன்றியது என்ன வியப்பு!
மறைக்கோலம் கொண்ட - வேதத்தையே உருவாகக்கொண்ட. பிறைக்கோலம் - பிறையினது வடிவத்தை. புறப்பட்டவா - தோற்றியது என்ன ஆச்சரியம்! இறைக்கு - இறையாகிய தேவரீருக்கு; இப்படர்க்கைப் பெயர் இங்கே முன்னிலைக்கண் வந்தது. ஓலம்: முறையீட்டுச் சொல். கறை - கறுப்பு. முன் நும் கண்டத்தில் ஒளித்த. கறைக்கோலங் கொண்டு என்றதனால் இப்போது வெண்ணிறங்கொண்டு புறப்பட்டது வியப்பாயிற்று; “வெள்ளை வண்ண விடமுமுண் டாங்கொலோ” (கம்ப. மிதிலைக் காட்சி. 146). பிறைக்கு விடம் உவமை: 309.
இதனால் உண்டாகும் துன்பத்தைப் போக்கியருள வேண்டுமென்பது இசையெச்சம்.
|